Jennifer Gates, e bija e milionerit të famshëm Bill Gates, u kërkoi gjithë të ftuarëve që do ishin të pranishëm në dasmën e saj ekstravagante 2 milionë dollarëshe, të ishin të vaksinuar plotësisht, ose të kishin me vete një test negativ covid-19, për t’u pranuar në dasmë.
“Ne vumë në dispozicion edhe maska”, u shpreh ajo për Vogue. “Jemi tej mase me fat që jemi në gjendje të bashkohemi me të shtrenjtët tanë më nënyrë të sigurt. E dimë që të tjerët nuk janë kaq me fat, sidomos ngaqë pandemia vazhdon të shkatërrojë jetët në Shtetet e Bashkuara e në të gjithë botën”.
Vajza 25 vjecçare e Bill Gates, u martua këtë të shtunë me Nayer Nasser në Westchester, në pronën 16 milionë dollarëshe të North Salemit. Zyrtarisht, çifti qe martuar një ditë më parë, në një ceremoni myslimane.
Në dasmën e çiftit morën pjesë 300 familjarë e miq të tyre, dhe pikërisht ky numër i madh, thanë ata, qe edhe motivi kryesor që i shtyu t’u kërkonin të ftuarëve green pass-in apo testin negativ përpara se t’i lejonin në gëzimin e tyre.
