Përgjatë një prononcimi për gazetarët përpara selisë së Partisë Socialiste, kreu i qeverisë Edi Rama ka deklaruar se njihej me ish funksionarin e FBI-së McGonigal, dhe se e kishte takuar disa herë në Amerikë e këtu, duke këmbëngulur se asgjë nga ato që janë hedhur për diskutim në opinionin publik shqiptar nga opozita, nuk kanë lidhje me të vërtetën e hetimit amerikan.
Kjo është një çështje jo çështje, tha Rama, sepse është hetuar nga drejtësia ameikane, e cila nuk nxjerr vendime për vrasje pa autor apo për vrasje nga pakujdesia, kur vrasjet bëhen nga dritaret e institucioneve shtetërore, dhe nuk ia përton, siç e keni parë, askujt. Kështu që, në rastin konkret ka 0 akuzë, dhe zero lidhje mes çështjes që diskutohet dhe meje apo qeverisë së shqipërisë, zero! Këto që thuhen janë derivate të keqleximit të këtushëm. Përmendja e emrit si pjesë e një takimi apo një tjetër, nuk ka asnjë lidhje me përfundimet që ka nxjerrë hetimi në Shtetet e Bashkuara. Pra, në Shtetet e Bashkuara, është bërë një hetim dhe janë nxjerrë përfundime, dhe në përfundimet e SHBA, nuk ka absolutisht asnjë lidhje me të gjitha këto që thoni ju. “Takove një zyrtar të lartë të policisë?”, Po e takova. “Takove një zyrtar të FBI-së disa herë”, po e takova, por kjo nuk përbën asnjë assye për të nxjerrë konkluzione të reja, duke e parë nga Tirana me dylbitë e politikës së qorrollppsejs së njerëzve dhe të zhurmës për zhurmë, e aq më tepër në kushtet kur jemi përpara një fakti të ri për protestat e 11 janarit dhe kërkesës së ministrit të Drejtësisë dhe PS, për të hapur hetimin në Prokurorinë e Posaçme, dhe kush të dojë ta kuptojë e kupton, se unë nuk mund të komentoj asgjë mbi komente. Unë dhe qeveria e PS, nuk kanë asnjë lidhje me përfundimin e hetimit për një çështje dytësore të dalë rrugës, ndërkohë që çështja është krejt tjetër, me akuzën që i është ngritur zyrtarit të FBI-së. Përfundimet e hetimit dhe fillimi i fazës tjetër të procesit, ku hetuesit amerikanë kanë dorëzuar materialet e tyre, nuk ka asgjë nga këto që thoni ju. Absolutisht asgjë! Lexojini mirë, se aty nuk përmendet asgjë nga këto që thoni ju, por se çfarë thotë njëri apo tjetri. Ndërkohë që vetë hetuesit thonë gë tjetër, që hetimet kanë përfunduar, dhe ka një të akuzuar për mosdeklarim dhe konflikt interesi në raport me shokun e tij shqiptaro-amerikan nga Tropoja, të cilin unë e kam njohur në takimin me të e me të cilin nuk kam pasur asnjë lloj lidhjeje tjetër përveç këtij raporti miqësor dhe këtyre shkëmbimeve pa asnjë interes tjetër, me zyrtarin e FBI-së. Në akt-padinë amerikane nuk ka asgjë që lidhet me mua apo me qeverinë, përveç fakteve u takua këtu u takua atje. Drejtësia amerikane, e cila e ka hetuar imtësisht dhe që ka dalë në konkluzione dhe ka ngritur akuzë për personin dhe në rastin konkret ai ka akuzë për konflikt interesi në marrjen e një borxhi nga shoku I tij shqiptaro-amerikan nga Tropoja, që jetojnë bashkë në New York. Fjala mik është një fjalë e gjerë, unë kam folur në anglisht për natyrën e marrëdhënies, pra një “friendly relationship”, pra një raport miqësor, në këtë sens kam thënë mik, por jo mik që kam ndarë me të jetën. E kam takuar disa herë, e kam takuar në zyrën më të rëndësishme të FBI, të Nju Jorkut, ku më ka prezantuar dhe kolegë të tjerë, ku më ka dhënë edhe nga ato kapelet e medaljet, që në bigbradhërin politik u shfaqën si aparatura përgjimi, ka ardhur në Shqipëri, jemi takuar. Interesi ka qenë që të shkëmbejmë eksperiencë, opinione mbi ato fusha që ai ishte ekspert, si krim, korrupsioni, pastaj Amerika, Ballkani, shqipëria, pra asgjë tjetër.
Sa i takon marrëdhënieve me Agron Nezajn, Rama shprehet se nuk e ka njohur më parë e se nuk ka shkëmbyer as letra e as interesa me të: Fola për zotin Agron, i cili e përsëris, vjen nga Lëvizja Demokratike, shumë i afërt me të ndjerin Azem Hajdari, fis me Besnik Mustafajin, njerëz të nderuar padiskutim, që nuk i kam njohur më parë asnjëherë dhe nuk kam shkëmbyer as letra as interesa dhe asgjë tjetër. Por e kam takuar vetëm në praninë e zyrtarit të FBI-së. Sa i përket personit tjtetër, ka qenë zv ministër i energjitikës, në mos gabohem në 2013-n, dhe pastaj për një farë kohe ka punuar pranë meje pa pagesë.
Pyetjes se a do të lejojë një hetim të ngjarjes prej nduonjë komisioni parlametntar, Rama iu përgjigj jo:
Çfarë do hetohet këtu? Do hetohen fantazitë e shfrenuara të një lidershipi që ka bastarduar çdo lloj raporti me të vërtetën dhe çdo lloj raporti me publikun? Jo. Kjo nuk është punë e parlamentit. Ka një drejtësi fatmirësisht dhe ka gjykata. Nëse ju thoni që gjykatat në Amerikë mund të kontestohen nga vetëgjyqësia e foltores apo e vulës bashkë me foltoren apo e tjetrit dhe tjetrit, kjo është zgjedhja juaj.
