Ka ngjallur reagime të shumta në rrjet kënga që grupi polifonik ‘Gjergj Araniti Mallakastër’, ka publikuar për presidentin turk Taip Erdogan dhe vendimin e tij për të ngritur një spital në Fier, në kontekstin e partneritetit strategjik me qeverinë shqiptare.
Në tekstin e këngës që po bën xhiron e rrjetit, duke u kujtuar njerëzve këngët e dikurshme për Enver Hoxhën, thuhet se Erdogan nuk bën më nëna, dhe se Turqia po u gjendet pranë shqiptarëve si nëna evlatit.
Nuk dihet nëse kënga është e sponsorizuar apo kërkuar prej dikujt, por ajo që të bën përshtypje, është adhurimi që shprehet përmes vargjeve, për një nga figurat politike më të diskutuara, të arenës ndërkombëtare.
Teksti:
Shteti turk dhe Ankaraja
tregoi dashurinë e saja,
Shqipërisë iu gjend pranë,
porsi nëna për evlanë.
Në Turqi tek gjysmëhëna,
Erdogan nuk bën më nëna,
burri besës që s’të falë,
fati për popullin shqiptarë.
Llacin po ngre në themel,
me një lagje krejt po delë,
do bëjë spitalin në Fierë,
për të gjithë vilajenë.
O Rexhep Taip Erdoganë,
presidenti turk me famë,
për Shqipërinë do mbesë ikonë,
sa malet tona të rrojë.
