Presidenti francez Emmanuel Macron ka prezantuar ditën e djeshme në Pallatin Elysee, planin e tij të inovacionit industrial të Francës, quajtur “’Franca 2030”.
Duhet të ndërtojmë një pavarësi në prodhimin francez dhe europiane u shpreh ai përpara disa përfaqësueseve të ekzekutivit. Ua deleguam prodhimin vendeve që plodhonin më shumë me kosto më të pakët, dhe tani na duhet të gjejmë fillin e risive dhe prodhimit, për të pasur atë që na duhet sot dhe nesër.
Sfidat e parashtruara prej kreut të shtetit francez, të cilat nisin e zbatohen në janar të 2022-it, përfshijnë kthimin në lider të Francës në disa sektorë kyç siç janë ai i ambientalizmit, ku Macron synon vendin e parë në prodhimin e energjisë së gjelbër, me ndërtimin e dy Gigafabrikave në territorin kombëtar, shto këtu dhe një investim prej më shumë se 500 milionë eurosh në energjinë të rinovueshme.
Për të pakësuar ndotjen, Macron-i e vuri theksin tek përshpejtimi i dixhitalizimit dhe robotizimit të industrisë, duke u shprehur se kishin qëllim të prodhonin rreth 2 milonë automjete elektrike brenda 2030, për nxitur kështu edhe një “ndryshim kulturor” në këtë drejtim.
Prodhimi i avionit të parë “low carbon”, qe një tjetër sfidë e presidentit francez brenda 2030-s, me qëllimin për t’i kthyer sektorët e aviacionit dhe atë automobilistik francez, në qendër të inustrisë, me një investim prej 4 miliardë eurosh në “transportin e të ardhmes’. Bujqësia gjithashtu, me një investim prej 2 miliardë eurosh për një ushqim të shëndetshëm, qe pjesë e planit të liderit francez, e po ashtu edhe shëndetësia, e në veçanti farmakologjia, ku investimet do të synonin prodhimin e rreth 20 medikamenteve kundër tumoreve, sëmundjeve akute e kronike, brenda 2030-s.
As kultura nuk mbetej pas në vizionin e Macron-it i cili synon që brenda 2030-s, Franca të bëhej lider sa u takonte prodhimit të përmbajtjeve kulturore, për të rritur kështu një sektor që në Francë zë mbi 640 mijë vende punë me një faturë prej 91 miliardë eurosh.
Pushtimi i hapësisës qe po ashtu një prej sfidave të parashtruara prej tij, në mënyrë që “edhe Franca të merrte pjesë në aventurën e re të ndërtimit të hapësirës së re”, dhe synimi qe ndërtimi i raketave të vogla të ripërdorshme, mikrosatelitëve dhe inovacioneve të tjera teknologjike, për të pasur një “sovranitet’ më të madh, ndërkohë që 6 miliardë euro do të kanalizoheshin në elementët elektronikë dhe 5 miliardë të tjerë për krijimin e 100 parqeve industriale dhe fuqizimit të talenteve.
Kreu i Francës vlerësoi pozitivisht planin e ringritjes së BE-së, i cili, së bashku me atë francez, do lejojnë konsolidimin e daljes nga kriza rreth tri shtyllave: tranzicionit dixhital, tranzicionit ambiental, koezionit social e territortial.
