Duket se drejtuesja politke e qarkut Fier Belinda Balluku, ka vendosur të mos heqë dorë kollaj nga Zegjine Caushi, e cila, pak orë më parë, i tha lamtumrë Parlamentit, për hir të rinumërimit të votave, ku doli me 10 vota më pak se bashkëmoshatarja Maldrita Bardho.
Pa u ftohur mirë lajmi mbi lënien e mandatit prej Zegjine Caushit, ja ku ia beh ai i Maldritës, e cila, përmes një postimi në faqen e saj fejsbuk, ka deklaruar se jep dorëheqjen prej mandatit të vet, duke ia lënë vendin me dëshirë koleges dhe mikes Zegjine.
Përmes një reagimi në rrjetet sociale, Bardho shprehet se do të vijojë të kontribuojë për Partinë Socialiste dhe për Lushnjen, por pa qenë më pjesë e Parlamentit shqiptar. Sipas saj Zegjine Caushi e meriton më shumë se ajo.
Reagimi i Maldrita Bardhos
Pasi ndoqa me vëmendje rinumërimin e votave për qarkun Fier, ndihem e lumtur dhe e nderuar që kontributi im i gjatë në Partinë Socialiste është vlerësuar nga bashkëqytetarët e mi dhe ata më kanë konsideruar të denjë për ti përfaqësuar në parlamentin shqiptar. Megjithatë, unë kam marrë një vendim të rëndësishëm, që kam dëshirë ta ndaj me të gjithë, një vendim që e kam marrë përpara se të niste rinumërimi dhe që sot m’u përforcua përfundimisht. Unë do të vijoj të kontribuoj për Partinë Socialiste dhe për Lushnjen, me të gjithë mundësitë e mia, por pa qenë pjesë e parlamentit shqiptar. Do t’i lë me shumë kënaqësi vendin tim, koleges dhe mikes time, Zegjine Çaushi, Zegjinesë që ka luftuar ndoshta më shumë për skuadrën se sa për veten këtë fushatë, duke u vënë në shenjestër të sulmeve të pamerituara nga politika e vjeter, nga politika e përbaltjes që ka frikë nga zërat e rinj, Zegjinesë nga e cila sot më ndajnë vetëm 10 vota dhe që padyshim e meriton të jetë në sallën e Kuvendit, për të përfaqësuar të rinjtë, sidomos vajzat. Ju falenderoj nga zemra thellësisht dhe do të jem aty për të gjithë ju që më votuat, me të njëjtin entuziazëm dhe forcë që vetëm ne socialistët kemi!
E pra duhet se telefonatat janë rrahur me shpejtësi brenda kampit rozë, për të rikthyer në betejën parlamentare një zë goxha të përfolur gjatë fushatës së 2025, edhe për mënyrën se si iu qas votuesit dhe audiencës.
