Ka ngjallur reagime në fakt deklarata e KQZ-së sipas së cilës nuk qe rregjisturar ende ndonjë koalicion me emrin e pretenduar nga Berisha “Shtëpia e Lirisë”, reagime që janë sqaruar në fakt pas intervistës së kryetares së LSI-së Monika Kryemadhi, e cila ka sqaruar për të gjithë se LSI thjesht u ka dhënë thjesht borxh emrin e vet kandidatëve të Rithemelimit të PD-së, për të lehtësuar burokracitë e rregjistrimit, e se vetë LSI nuk do të marrë pjesë në zgjedhjet e pjesshme të 6 marsit 2022, për krerët e Bashkisë.
“Ne nuk do të kemi kandidatët tanë, tha Kryemadhi gjatë intervistës në Report TV. Këta janë kandidatët e PD-së së vërtetë, si të doni quajeni, apo të grupit të Rithemelimit, të cilët kanë ardhur si rezultat i primareve, ku për hir të së vërtetës, dëshmitar qe i gjithë opinion publik që ditën e shtunë ka ndjekur një proces në këto gjashtë bashki.
Sa i takon liderpolitikës dhe vetë marrëveshjes, është vetë grupi i RIthemelimit, pra janë ata që do të drejtojnë fushatën, politikisht, në aspeket e tezave politike, angazhimeve politike, ndërsa LSI-ja është instrumenti i rregjistrimit të kandidatëve në Komisionin Qëndror të Zgjedhjeve, për të bërë, për të lehtësuar një proces po themi burokratik, që ka të bëjë me situatën që vetë ne, dashje pa dashje kemi krijuar, për ta bërë sa komode. Ky është një bashkëpunim teknik, tha Kryemadhi, duke e cilësuar këtë lëvizje të LSI si racionale, për shkak se nuk kishin shumë kandidatë.
Në gjykimin e saj, Basha nuk do të marrë pjesë në këtë garë, sepse ka frikë nga humbja.
