I shfaqur mbrëmjen e djeshme në ekranin e RAI-t, emisioni investigativ REPORT solli kësaj radhe në vëmendje bisedën me ish zëvendëskryeministrin shqiptar Arben Ahmetaj, i cili aktualisht ndodhet në ekzil, për hir të akuzave mbi inceneratorët.
Teksa Ahmetaj duket i shpenguar në bisedë, me gjasa ngaqë nuk e di që po e xhirojnë, deklaron se Rama mbështeste kultivimin e mariuanës në vend për të rritur ekonominë shqiptare, e po ashtu edhe se bashkepunon me grupet mafioze, për të fituar zgjedhjet.
DIALOGU I PLOTË
Ahmetaj: Isha i vetmi ministër që jam kundërvënë çështjes së kanabisit në dy mbledhje qeverie, i kam thënë, të duket normale që plantacionet e mariuanës po përhapen kaq shumë dhe qeveria nuk bën gjë?
Giorgio Mottola: Dhe si u përgjigj Edi Rama?
Ahmetaj: Sipas tij, plantacionet do t’i jepnin një zhvillim të madh ekonomisë shqiptare. Unë iu përgjigja “E si mendon se mund të ndodhë? Kolumbia i bie të jetë vendi më i pasur në botë, meqë eksporton miliona tonelata kokaine, në një kohë që është katandisur si moj keq! Si mund të bëhet Shqipëria një vend normal dhe ta rrisë ekonominë në këtë mënyrë!
Ahmetaj: Grupet kriminale marrin kredite duke përdorur emra të caktuar. Dihet në Shqipëri, ndërtojnë, riciklojnë paratë e tyre më ndërtimin në Shqipëri. Praktikisht shesin drogë në tërë Evropën, e pastaj e kalojnë në Shqipëri. Ka në fakt një marrëveshje mes organizatave të ndryshme mafioze. Ata as nuk vriten me sho-shoqnë, vetëm ngaqë Edi Rama u ka thënë të mos I krijojnë probleme.
Giorgio Mottola: Edi Rama është I lidhur vërtet me këto grupe kriminale?
Ahmetaj: Nuk është vetëm i lidhur. Po të jap emrin e koordinatorit të tij Ergys Agasi. Është një dip që jeton në Durrës, pranë klanit të Durrësit. Tani është bërë për llogari të Ramës koordinatori I të tërë grupeve.
Giorgio Mottola: Ju po thoni që Rama ka kontakte direkte me grupet mafiose përmes Agasit?
Ahmetaj: Agasi bën koordinatorin, pastaj ai i përdor për zgjedhje
Giorgio Mottola: Po ku dhe si i takonte Rama këta?
Ahmetaj: Edhe në zyrën e vet, në sallën e mbledhjeve që ka në Kryeministri. Unë nuk kam marrë kurrë pjesë se nuk kam pranuar kurë të përfshihem.
Giorgio Mottola: Dhe i keni parë me sytë tuaj?
Ahmetaj: I kam parë thuajse të gjithë.
Giorgio Mottola: Të tërë kë? Më thoni emrat?
Ahmetaj: Personazhe të Dibrës, Durrësit, Elbasanit…
Giorgio Mottola: Po thoni krerët e mafias?
Ahmetaj: Po…
