Kreu i Kadastrës Artan Lame sapo ka ftuar të tërë inxhinierët, specialistët, të rinjtë e të rejat që kanë një diplopë për ekonomik, juridik, inxhinieri e po ashtu edhe ata që kandiduan për deputetë, por nuk fituan të aplikojnë për pozicionet e drejtorëve nëpër drejtoritë rajonale të Kadastërs.
Lamja i ftoi të gjithë të aplikonin, e të mos ndikoheshin nga “llafet e fejsbukut”, sic i quajti ai, që thonë se këto vende janë të paracaktuara apo të zëna.
Në këto kushte, dëshiroj të shpall thirrjen për drejtues të rinj për një pjesë të madhe të zyrave rajonale të Kadastrës, tha Lame. Jam i bindur se të gjithë llafollogët e fejbukut, do ulen të dekurajojnë këto që do të dojë të përfshihet në ketë thirrje. Mos u çudisni, e kanë bërë gjithmonë, sa herë unë kam bërë thirrje, mos shkoni, janë paracaktuar, caktuar e kështu me radhë. Mos u tutni! Ti djalë që po dëgjon tani, apo ti vajzë, që ke mbaruar universitetin për Inxhineri, Juridik, për Ekonomik, ti specialist që ke vite që punon në administratë, e do të bësh para në karrierë, ti kandidati për deputet, se dëgjuam shumë kandidatë për deputetë, të cilët ishin profesionistë të mirë, që e dije që nuk do fitoje, për hir të numrit në listë, por je i bindur në kapacitetin tënd, ti eksperti i fushës, që e di se si mund të kenë zgjidhje problemet e komplikuara të pronës në Shqipëri, por që nuk ke pasur rast ta provosh veten, mos u tutni, ejani të aplikoni.
Si shërbërtor i vjetër i shtetit, ju them që nuk bëhen legalizime me ushtarë partie, nuk u shërbehet 1 milionë e ca qytetarëve me miq e qoka partie, por me punë dhe specialist, pastaj, nëse pas kësaj rezultati çon ujë në plotësimin e premtimit të Partisë Socialiste për zgjidhjen e çështjes së pronës dhe programit të saj, kjo nuk është njollë për neve, por medalje e merituar.
Sa u takon aplikuesëve, bujrum të gjithëve, ja sheshi, ja mejdani, ka përmbyllur fjalën e tij Lame, i cili ka njoftuar edhe për një thirrje për specialist më vonë. Numri i shumtë i punësimeve aktualisht, ka sqaruar Lame, lidhet me faktin se Kadastrës i kanë kaluar në ngarkim, disa funksione, që dikur i kanë pasur në ngarkim institucione të tjera.
