Konspiracionisti Alfred Çako ka publikuar në faqen e tij në fejsbuk një njoftim në të cilin shprehet se tani do aktivizojnë 5 G-në e shumë të vaksinuar me vaksinat antikovid do të vdesin. Por përpara se ta bëjnë këtë, do shpërndajnë sërish virus kovid përmes helikopterëve, duke thënë mandej se ky është një variant i ri kovidi.
Nuk dihet se sa të vërteta do të dalin këto paralajmërime të Çakos, por sa më poshtë sjellim shënimin e tij të plotë.
“Kjo është arma që do palosë shumë të shpuar këtë vit. Tani do lëshohet në të gjithë botën dhe natën, në periudha të ndara gjatë gjithë dimrit, do kompjuterizohen numra të përzgjedhur të vraskinave me shpërndarje me përqindje të caktuar sipas zonave dhe adresave që kanë personat e shpuar dhe do lëshohen frekuenca të larta që do të godasin numrat e përzgjedhur me pllakat me oksid grafeni, të cilat, duke u nxehur nga valët do të rritin shpejtesinë e do të çajnë enët e mureve të gjakut në tru, zemër etj, dhe do të thonë vdiq nga ataku në zemër, nga ishemia, nga hemoragjia e brendshme por të gjitha këto janë shkaktuar gjoja nga kovidi etj.
Por para se të hedhin në luftë ‘kaloresinë’ e 5G, do të hedhin helmin që shkakton kovidin.
Këto javë që do të vijnë, do t’i shihni qiejt me kuadrate nga avionët e mbushur me helm gjarpëri, ujërat e pishëm të bashkive mund të ndoten me peptide të helmit të gjarpërit me etiketa si dezifektante gjoja të depove të ujit, testet P.R në hundë do të jenë në përqindje të larta me helm.
Do të thonë se është nje variant i ri kovidi. Të pashpuarve që kanë rezistuar do t’u bëhet presion të shpohen.
Do fillojnë masat shtrënguese dhe nuk do lejohen të pashpuarit pa çertifikatë të veprojnë në insitucione, banka, zyrat e pensioneve.
Nëse ju bie niveli O2, ka një metodë të thjeshtë për ta ngritur normal.
Të pashpuarit do të vdesin shumë-shumë pak, ndoshta 0,5% nga të infektuarit, kurse të shpuarit do goditen me 5G. Kjo do t’i vrasë dhe do trembin gjithë të tjerët të shpohen nga rreziku gjoja i variantit të ri. Televizionet do çahen me keq se me 2020-’22 si tellallë te O.Sh. Fevzinjtë, Piperot, Ulqinakët, Manastirlinjtë, idiotët e të babëziturit e shëndetësisë do gumëzhijnë nëpër media dhe do bubrrojnë në sistemin korruptiv shëndëtsor për të bërë lekë me gjakun e mishin e popullit.
Ky i gjati do dalë cdo natë t’u tmerrojë e të mburret si shpëtimtari juaj. Shume pak kovidioë do të shkojnë kete radhë tek kasapi në emer të shkencës. Shumë njerëz e kanë kuptuar tashmë që ne ju kemi thënë te vërtetën prej 3-4 vjetësh dhe atë po bëjmë edhe sot e ne te ardhmen.
Por, jo, njerëz te pashpuar, mos u trembni. Përsëri do kaloje dhe ky sulm i pakicës së çmendur ndaj shumicës. Ne do të mbijetojmë dhe do të luftojmë! Ne jemi maja e elitës kulturore të shtreses kulturmbajtëse të kombit tonë. Ne s’do lejojmë që kombi ynë të shfaroset. Shumica nuk e kuptojnë atë qe po vjen. Janë në gjumë.
Nje lufte e madhe na pret këto dy vjet. Me 2023 kane vdekur 140 milion të rinj të shpuar në të gjithë botën. Synojnë për 2 vjet të vrasin 5 miliard banorë.”
