Ka zgjedhur tú vendos gjoba komisionerëve që kanë numëruar deri në orën 22.00 të mbrëmjes, më pak se 50 % të kutive të votimit, pra 18 KZAZ-ve, Komisioni Shtetëror I Zgjedhjeve, zëdhenësja e të cilit, deklaroi sot në mbrëmje, se ky sanksion u vendosej për hir të mos respektimit të Kodit Zgjedhor.
Duke pasur parasysh ecurinë e raportimit të votave që është pasqyruar gjatë ditës së sotme, por edhe në deklarimet e komisionerit, pak kohë më parë, pra gjatë mbrëmjes, më lejioni t’ju informoj se Komisioni Shtetëror i Zgjedhjeve ka vendosur sanksionin administrative prej 3 mijë lekësh, për të gjithë anëtarët e komisioneve të zonave të administrimit zgjedhor, të cilët, deri në këto momente që flasim, kanë numëruar më pak se 50% të qendrave të votimit, pra për 18 KZAZ. Sanksioni është vendosur për mosrespektim të nenit 122 pika 1 e Kodit Zgjedhor, i cili përcakton se tabela përmbledhëse e rezultatit të zgjedhjeve, për zonën e administrimit zgjedhor, nxirret nga KZAZ, jo më vonë se ora 22.00, tha ajo.
