E ka cilësuar si thjesht buzëkuqin e radhës ligjin mbi fëmijët e republikës që parashtroi Rama, kreu demokrat Basha, duke cilësuar diferencat e mëdha mes kësaj dukjeje që shfaq qeveria Rama, e asaj me të cilën përballen në realitet shqiptarët.
Sa herë që vritet dikush si Klodian Rasha, si sot e një vit më parë, na shfaqen njerëz me kostum qeveritar, na vijnë në Kuvend e na prezantojnë ligje që nuk miratohen kurrë, sepse në fakt ky është qëllimi i kësaj qeverie që sundon vendin pa votën e qytetarëve, nuk është të qeverisë, por të sundojë. Qëllimi i tyre është ta kthejnë këtë vend në çiflik të tyrin. E në këtë çiflik ka vend pë tri inceneratorë të mëdhenj që djegin plehërat e Shqipërisë, Italisē dhe vendeve të tjera të rajonit, në vendin e tyre, paratē vazhdojnē e derdhen lumë për check-up-in që i nxjerr burrat shtatëzënēe gratë me prostatë, në Shqipërinē e tyre ndahen qindra-miliona euro për oligarkët, ndërtohen rezorte luksoze, falen porte dhe aeroporte, vidhen toka në bregdet, krijohen korporata, për të krijuar një klasë oligarkësh mbi pronat e pronarēve që nuk morën kurrë ato, blihen mediat, por nuk ka vend, as pēr shqiptarët e ndershëm e as për fëmijtë e tyre, tha mes të tjerave Basha, në fjalën e tij në Parlament.
