Anëtari i Kryesisë së Partisë Demokratike, Fatbardh Kadilli, i ka kërkuar edhe një herë dorëheqjen e parevokueshme Lulëzim Bashës, sot përpara mbledhjes së Këshillit Kombëtar të PD, duke u shprehur se tashmë ai nuk qe më zgjidhje për PD-në, por problem i saj.
Jam sot për t’I kërkuar edhe një herë dorëheqjen Lulëzim Bashës, tha Kadilli përpara gazetarëve, dorëheqjen e parevokueshme, se nuk është më zgjidhje për Partinë Demokratike, është sot problemi Partisë Demokratike. Sot mbyllet një periudhë hgënjyese për Partinë Demokratike, dhe po sot fillon një periudhë shprese. I inkurajuar edhe nga mbështetja e demokratëve, jam edhe më I vendosur për ta cuar përpara këtë project shprese, që do një parti demokratike të pastër, të madhe, të hapur, dhe fituese. E kam deklaruar, nuk tërhiqem nga asnjë proces politik. Jam këtu për t’I shërbyer Partisë Demokratike. sipërmarrja nuk është e lehtë, është e vështirë, por inkurajimi i demokratëve, dhe nevoja që ka cdo demorakt për ta ngritur kokën lart, me një project shprese, më bën edhe më të vendosur që edhe përballë Lulëozm Bashës apo kujtdo tjetër, të jem në garë për të ndërtuar një PD të re, e përsëris, të pastër, të hapur, të bashkuar dhe fituese.
Gjatë mbledhjes së Këshillit Kombëtar të PD-së, Kadilli ka renditur njw sërë motivesh se përse Basha duhet të japë dorëheqjen nga kreu i PD-së, të cilat i ka bërë publike dhe në faqen e tij në fejsbuk.
Nuk je i pazëvendesueshëm. PD ka shumë njerez të mire. Jep doreheqjen e parevokueshme.
Je humbës i përsëritur prej defekteve personale.
Drejtove çdo gjë vetëm dhe pa forume, pa përfshirë askënd
Fushatën e bëre i vetëm. Nuk mbështete asnjë njeri. Janë bërë shumë gabime në fushatë.
Problemet në zgjedhje nuk duhet të justifikojnë humbjen. Për një pjesë të problemeve, je vetë përgjegjës. Për një pjesë tjetër, ke qënë i pazoti t’i ndalosh.
Lufta për votën bëhet brenda sistemit. Kjo luftë do vazhdojë sa herë të ketë zgjedhje.
Në luftën për votën ke pasur më shumë sukses brenda sistemit se sa jashtë sistemit. Përvojat: 2015 më mirë se 2021, dhe këto dukshëm më mirë se 2017, apo dhe me keq, nga 2019.
Nuk je aspak i nevojshëm për luftën institucionale për votën. Kemi ekipin më të mirë dhe ekspertizë të shkëlqyer.
Ata që na dhanë fitoren tënde në 2011. Luftën politike e bëjmë me një koncept të ri, me qasje të re dhe me frymezim të ri, me besushmerinë, me vërtetësinë dhe me vendosmërinë si tipare që ty të kanë munguar.
Humbja është e jotja, përgjegjësia jotja. Të kemi mbështetur duke sakrifikuar identitetin tonë dhe profilin politik; karrierën dhe çdo gjë;
E ndërtove opozitën me kauza rastësore dhe ishe i destinuar të dilje humbës. Braktise shumë kauza duke korruptuar besimin e mbështetjes;
Nuk ndërtove raport të qartë dhe besimi me aleatët strategjik; mbete peng i lobimeve private dhe nuk pate asnjëherë një qasjes solide dhe strategjike;
Mos u fshih pas mbështetjes që kërkon lartë e poshtë në Parti. Edhe Berisha kishte mbështetje absolute në parti, por kishte realizmin të ikte;
Ti nuk mund të ndërtosh më asgjë te re. Nëqoftëse unë jam bartës i një projekti të ri, ti je kujtesa e projektit të shteruar dhe humbës;
