Personi më i pasur në botë, Elon Musk, ka të ngjarë të kërkojë të njëjtin çmim që pagoi për Twitter-in, nëse marrëveshja për blerjen e aksioneve amerikane të TikTok-ut funksionon, thotë një analist i mirënjohur që mbulon aktivitetet e Muskut.
ByteDance, mëma kineze e TikTok-ut, ka të ngjarë që t’i kërkojë një shumë prej 40 deri në 50 miliardë dollarë për aksionet të aplikacionit të njohur në SHBA, shkruan analisti i Wedbush, Dan Ives, në një shënim të së martës drejtuar klientëve, shumë kjo shumë më e lartë se oferta, afërsisht 20 miliardë dollarë, bërë prej konsorciumit të SHBA së fundmi.
Raportet nga Bloomberg dhe Wall Street Journal mbi diskutimet e zyrtarëve kinezë rreth Musk-ut, nuk janë “për t’u habitur krejtësisht”, duke llogaritur marrëdhëniet e ngushta të Musk-ut me Presidentin e zgjedhur Donald Trump, shtoi Ives.
Blerja e aksioneve amerikane të TikTok-ut, do të ishte një “marrëveshje e artë” për Muskun dhe kompaninë e tij të mediave sociale X, shtoi Ives, i cili dikur ishte mbulonte Twitterin, kur ishte një kompani publike, dhe aktualisht mbulon Teslën dhe industrinë amerikane të teknologjisë në përgjithësi.
Musk ende nuk i ka komentuar thashethemet mbi këtë gjë, dhe ende nuk dihet nëse ka shprehur interes për një blerje të tillë.
TikTok-u do të ndalohet të dielën, nëse ByteDance, kompania kineze mëmë, nuk ia jep aksionet e saj në SHBA një komoanie amerikane, edhe pse Gjykata e Lartë do të vendosë së shpejti një apel ndaj ndalimit dhe Trump – i cili ka kritikuar idenë e ndalimit të TikTok – mund të jetë në gjendje ta zgjasë afatin me 90 ditë, pas inaugurimit të hënën.
Sipas një sondazhi të qershorit nga Pew Research, rreth një e treta e amerikanëve përdorin TikTok, duke tejkaluar 21% që përdorin X. Por shqetësimet në lidhje me pronësinë e TikTok me bazë në Kinë – dhe nëse qeveria kineze e detyron atë të dorëzojë të dhënat e përdoruesit – i shtyn ligjvënësit të zbatojnë ndalimin, nëse ByteDance nuk e shet platformën.
Miliarderi Frank McCourt, ish-pronari i Los Angeles Dodgers, ka bërë ofertën e Projektit Liberty për TikTok, ndërsa miliarderë të tjerë amerikanë, janë të përfshirë me aksione të larta, përfshi edhe Jeff Yass, firma e të cilit “Susquehanna International Group”, zotëron 15% të aksioneve në ByteDance.
