PESHORJA
Dyshimet dhe pasiguritë i kanë ditët e numëruara, miq të Peshores. Një shije të parë të këtij ndryshimi thelbësor, duhet ta ndjeni. Siç është e vërtetë, që si të gjitha shenjat e ajrit nuk keni mbështetjen e drejtëpërdrejtë të planeteve, po aq e vërtetë është edhe që Dielli dhe Mërkuri, në sekstil nga shenja mike e Shigjetarit, hedhin dritë mbi ju. Nga kjo javë e tutje, ngrohtësia e lehtë që ndjeni do fillojë të bëhet më e fortë. Kthesa e madhe aq e shumëpritur në këtë 2020, e cila ju vuri goxha nën presion, vjen javës që vjen, pikërisht me kalimin e Jupiterit dhe Saturnit në shenjën mike të Ujorit. Rrini të qetë, gjithçka do zhbllokohet. Ngjarjet që e bënë këtë vit kaq të vështirë, do shndërrohen në një kujtim të mjegullt. Sigurisht, disa leksione nuk mund të harrohen, por kini kënaqësinë e të thënit: po, i përballova si dragua dhe fitova. Kështu pra, pas kohës së sakrificës, po ju hapet përpara koha e fitoreve.
AKREPI
Urani vazhdon t’ju ngacmojë, miq të dashur të shenjës së Akrepit. Keni dëshirë të ndryshoni, t’i hidhni në ajër të gjitha! Do ishit të gatshëm të shkatërronit, vetëm e vetëm t’ia nisnit nga e para. Por qielli i këtyre ditëve, ju fton të ndalni një çast e të reflektoni përpara se të veproni. Pikërisht në shtëpinë tuaj, kini Venusin plot me të mira. Syzet e kuqe që perëndesha e dashurisë vë hera-herës, rrezikojnë ta ndryshojnë në mënyrë jo dhe aq koherente realitetin që kemi përballë. Ndaj është e rëndësishme të mendohemi përpara se të veprojmë. Intuita juaj është tejet e fuqishme, por me Uranin dyshimtar, mesazhet që Universi ju nis, mund të jenë paksa shqetësuese. Thënë kjo, e mira është të shfrytëzoni sa mundeni rrezet e Saturnit e të Jupiterit, ende dashamirëse nga shenja e Bricjapit. Përpara se t’i hidhni të gjitha në kosh, shihni mirë përreth. Pak po e sigurt, ka shumë gjëra për t’’u shpëtuar. Nëse doni të ndryshoni, gjeni tjetër mënyrë nga ajo e vënies së dinamitit.
SHIGJETARI
Mërkuri dhe Dielli në pjesën tuaj të qiellit; Marsi në trekëndësh nga shenja e Dashit. Përbërësit për ta shpënë në fund këtë 2020 të vështirë, ashtu si për gjithë të tjerët, edhe për ju janë me të vërtetë të gjithë… ose mbase jo. Dhe kini të drejtë. Mungon Venusi. Ylli i dashurisë ndodhet tashmë shumë pranë jush, dhe më datën 15 futet në pjesën tuaj të qiellit. Në këtë pikë, dashuria dhe pasioni do bëhen vërtetë protagonistë të ditëve tuaja. Teksa prisni që kjo të ndodhë, qielli ju këshillon të merreni me pjesën tjetër: të përparoni me punën apo të sistemoni shtëpinë. E rëndësishme është të çlirohemi sa më parë të jetë e mundur nga impenjimet e rënda. Ardhja e Venusit duhet festuar, dhe s’mund ta bëni nëse ju duhet të bëni gjëra që mund t’i kishit bërë më parë, por që për dembelizëm, i latë pas dore.
