Pilulat e ekstazisë që mbajnë fytyrën e Donald Trumpit janë potencialisht vdekjeprurëse. Paralajmërimi vjen nga Instituti Trimbos në Utrecht të Holandës, një organizatë e specializuar në fushën e abuzimit me substancat dhe shëndetin mendor.
Siç raportohet nga BBC, instituti lëshoi një “alarm të kuq” pasi disa pilula u dërguan për testim në qendra të specializuara gjatë muajit gusht. Pilulat kanë të stampuar fytyrën e presidentit amerikan në njërën anë, ndërsa në anën tjetër shfaqen fjalët “Trump” dhe “NL
“Mos i merrni ato.” Analizat zbuluan një përqendrim shumë të lartë të PMMA-së në këto pilula – një substancë e ngjashme me MDMA-në, përbërësi aktiv i ekstazisë. “Mos i merrni këto pilula në asnjë rrethanë,” paralajmëroi Instituti Trimbos. Kjo substancë mund të shkaktojë simptoma që variojnë nga të përzierat dhe rritja e rrahjeve të zemrës deri te konvulsionet (përplasjet muskulore). Gjithashtu, raportohet rreziku i mbinxehjes së trupit, gjë që mund të ketë pasoja fatale.
Precedenti i vitit 2017: Kjo nuk është hera e parë që imazhi i Trump-it përdoret për prodhimin e tabletave narkotike. Në vitin 2017, policia gjermane sekuestroi rreth 5 000 tableta me ngjyrë karrote, të modeluara në formën e kokës së presidentit amerikan. Sipas raportimeve të asaj kohe, tabletat tregtoheshin në internet me sloganin “Trump e bën festën të shkëlqyer sërish”.