Vazhdon ende debati mes kryetarit të qeverisë Edi Rama, dhe kryetares së Komisionit Hetimor mbi çështjen e Inceneratorëve, në Kuvendin e Shqipërisë. Teksa Rama e ka vlerësuar Erion Velinë dhe përgjigjen e tij pozitive për t’u marrë me punën e inceneratorëve, duke mos e cilësuar aspak si shkelje nga ana e tij shkresën mbi të cilën u fokusua një pjesë e debatit mes Tabakut dhe Veliajt ditën e djeshme në Komisionin Hetimor, Tabaku i përmblodhi Ramës milionat e përfolura si të vjedhura për tri inceneratorët, të FIerit, Elbasanit dhe Tiranës.
Ndërkohë që Tabaku deklaroi shumën totale pas mbledhjes së zërave, Rama reagoi i indinjuar, duke deklaruar se ata po u shisnin si vjedhje shqiptarëve, një shumë që ishte parashikuar për t’u harxhuar deri në 2047-n, për pastrimin e mjedisit.
Rama: Nëse ju më jepni shkresën ku kryetari i Bashkisë angazhon fonde pa pyetur Këshillin Bashkiak, jemi në temë tjetër. Deri tani, tek shkresa ku kryetari i Bashkisë anagazhon Bashkinë, është autoriteti suprem kryetari i Bashkisë, është i zgjedhuri direkt me votën e popullit. Këshilli Bashkiak ka disa kompettenca, se kryetari i Bashkisë nuk angazhon dot fonde vetë, se nuk bën dot transferime pronash vetë, këto i dimë, po të thotë “po jemi dakord”, po pa tjetër, pse kë do pyesi ai? Do ta thotë se s’bën! I kam thënë unë. Ai mjeshtri që erdhi prapa meje, s’çonte shkresë pa vënë leke atje, se të paktën ne në parim, po mjeshtri, po i thoshte, 37 euro, na hidhni lekët, pa Këshillin Bashkiak. Ermonela, me letra merruni me njëra-tjetrën, unë nuk jam këtu për letra, unë jam këtu për tjetër gjë. Unë jam për lekët. Këta 430 milionë, o mua m’i ka marrë organizata kriminale dhe s’më ka dhënë asnjë lek, ose këtu pastaj është bërë një hajgare me popullin shqiptar, dhe do ta shohim. Po të mos ishin 430 milionët, unë do të thosha s’kam punë fare me këtë, komision.
Tabaku: Në kontratën koncesionare të Tiranës, disa të ardhura nuk janë llogaritur, me një shumë prej 10 milionë eurosh, ndërkohë që janë shtuar disa bashki të tjera, në shumë e 377 milionë eurove për 30 vite, për të drejtat që i lindin koncesionarit për 30 vite, për inceneratorin e Elbasanit, 30.6 milionë euro… 24.7 milionë euro kontrata e Elbasanit, zbatimi total me tvsh, 360 milionë euro inceneratori i Tiranës për 30 vite, në total janë 433 milionë euro.
Rama: Domethënë paratë që do përdoren për të pastruar mjedisin deri në 2047-n, i keni thënë shqiptarëve që janë vjedhur? Seriozisht?! Seriozisht?!
Tabaku: Kjo, shtuar të drejtën për të shitur energji me vlerën e 110 milionë eurove, të drejtën për të shitur skrapin 70 milione euro, të drejtat që koncesionari është duke marrë nga qytetet e tjera, e bëjnë shumë më shumë se 433 milionë euro, por unë iu referova vetëm vlerës së kontratave. Shqetësimi në këtë rast është, në zbatimin e kësaj kontrate deri më sot, këto kompani paguajnë veten, këto kompani bëjnë projekte me gjysmë çmimi, këto paguajnë sheqerin dhe orizin….
Rama: E dëgjoni veten se çfarë po thoni? Shqiptarët po qeshin me ju…
Tabaku: 100 milionë euro janë paguar tashmë nga buxheti i shtetit, mbetet dhe pjesa tjetër.
