Janë ndarë nga jeta njëri pas tjetrit në spitalin e Tiranës, tri familjarë me origjinë nga Gjilani i Kosovës, të cilët, të paktën nga sa referohet edhe prej vetë familjarëve të tyre, kishin konsumuar përpara se të sëmureshin, kërpudha që i kishin këputur vetë në pyll.
Pas konsumimit të kërpudhave, tri pjesëtarët e familjes Haliti, nëna, djali dhe nusja, përfundojnë në urgjencën e Manzës, ku dhe kanë marrë shërbimin paraprak sipas protokollit në fuqi.
Sipas Anesti Kapurit shefit të qendrës shëndetësore të Manzës, në News24, tri familjarët kishin ardhur me këmbët e veta, kishin marrë mjekimin e duhur sipas protokollit dhe më pas ishin larguar po me këmbët e veta, duke mos deklaruar për asnjë çast se kishin konsumuar kërpudha.
Ato kanë ardhur me këmbët e veta, u shpreh Kapuri, kanë ikur në gjendje shumë të mirë shëndetësore, dhe vazhdimi mbetet që të hetohet se ku ka qenë problem, se duhet të kemi një përgjigje nga se kanë ndërruar jetë. Mjekimet janë bërë sipas protokolleve, sipas gjendjes së pacientëve dhe nuk mund të themi më shumë, pasi janë pjesë e hetimeve.
Ndërkaq gjendja e tri familjarëve rëndohe,t po atë mbrëmje, dhe në darkë, ata përfundojnë në spitalin e Tiranës, ku njëri pas tjetrit, për tri ditë rresht, ndahen na jeta.
Sipas deklaratave të birit të të ndjerëve, vdekja e familjarëve ka ardhur për shkak të mos dhënies së kujdesit mjekësor në kohën e duhur, si në Manëz, ashtu edhe në Tiranë, duke theksuar se ngjarja, përtej kësaj, duhet hetuar me kujdes, për shkak se edhe qeni i shtëpisë, i cili nuk ka ngrënë kërpudha por ushqimin përkatës, ka ngordhur, gjë që shton dyshimin e helmimit të tyre thjesht e pastër nga kërpudhat dhe mos dhënia e mjekimit të duhur në urgjencë.
Babi del shpesh, ka dalë, e ka pas pasion dhe mami i ka njof shumë mirë kërpudhat këta gjana se është rrit në fshat, u shpreh djali i familjes Haliti, teksa i afërmi i tij këmbënguli për një hetim edhe më të thelluar të çështjes.
.
