Elon Musk është gati të nisë Grok 3. Sot, në të gdhirë të 18 shkurtit është publikuar versioni numër 3 i Grok, i cili supozohet se ka më shumë fuqi llogaritëse falë një kompjuteri ndërtuar në Memphis.
Versioni i ri i inteligjencës artificiale i zhvilluar nga kompania e tij xAI, është lançuar më 17 shkurt në orën 20:00 në bregdetin e Paqësorit, që korrespondon me orën 5 të mëngjesit të 18 shkurtit në anët tona.
Pritshmëritë janë të larta: Grok 3 mund të shënojë një hap të rëndësishëm cilësisht, krahasuar me versionet e mëparshme. "Grok 3 do të prezantohet me një demonstrim të drejtpërdrejtë të hënën në mbrëmje në orën 20:00, me kohën e Bregut Perëndimor", shpjegoi multimiliarderi Musk në X, duke deklaruar se është "inteligjenca artificiale më e zgjuar në Tokë".
Çfarë është Grok?
I prezantuar në vitin 2023 nga xAI, Grok është një chatbot gjenerues i ngjashëm me ChatGPT të OpenAI, por, përveç zgjidhjes së problemeve komplekse dhe zhvillimit të kodit, Grok është i aftë të krijojë imazhe, duke përfshirë karaktere dhe figura, që IA tjetër nuk mund t'i gjenerojë.
Disa muaj më parë, Musk vuri në dispozicion Grok 2 falas në X, i cili ishte i aftë të i aftë të gjenerojë tekste dhe imazhe të të gjitha llojeve, duke filluar nga një pyetje e thjeshtë në gjuhën e përditshme.
Në dhjetor, xAI bëri një raund tjetër financimi prej 6 miliardë dollarësh për të "përshpejtuar zhvillimin e tij". Këtë herë, fuqia kompjuterike do të bëjë diferencën: Grok 3, në fakt, do të mundësohet nga një superkompjuter i ndërtuar në Memphis, i konsideruar më i fuqishmi në botë. Kjo do të lejojë Grok 3 të kryejë operacione komplekse me një shpejtësi të paparë më parë.
