Pas deklaratave të Trumpit për një aneksim hipotetik të Groenlandës nga SHBA, ka reaguar Danimarka së cilës i përket në fakt ishulli i akullt, si territor autonom.
Kryeministrja daneze Mette Frederiksen, ka telefonuar presidentin e zgjedhur të SHBA-së Trump, dhe sipas një sqarimi lëshuar prej qeverisë daneze, raportuar në mediat lokale, i ka thënë atij se “Groenlanda do vendosë vetë për gjërat e saj”, e se ajo, duke iu referuar kështu fjalëve të kryeministrit të Groenlandës, Mute Egede, “nuk është në shitje”.
Sipas mediave ndërkombëtare, telefonata zgjati rreth 45 minuta.
