Gramoz Ruçi: ”Shanset janë të dalim nga kjo pandemi si një ndër vendet e sigurta të planetit…”

Shanset janë që të dalim nga kjo pandemi si një ndër vendet e sigurta të planetit! Ky ka qenë njëri prej përfundimeve ku ka mbërritur kryetari i Parlamentit zoti Ruçi gjatë konferencës së përbashkët me Akademinë e Shkencave mbajtur dje, mbi tërmetin dhe pandeminë.  Kjo, ka vazhduar ai,  mund të sjellë një qasje të re të vendeve të zhvilluara për të investuar në Shqipëri dhe ne duhet të mendojmë për politika agresive për tërheqjen e këtyre investimeve. Mësimet prej pandemisë po bëhen objekt reflektimi i veprimtarisë parlamentare dhe po “përkthehen” në akte ligjore apo ndryshime e përmirësime të tyre. Në këtë kontekst, ka nisur edhe bashkëpunimi midis Kuvendit të Shqipërisë dhe Akademisë së Shkencave, i cili uroj të prodhojë rezultate të prekshme e të dobishme për vendin dhe qytetarët”, ka përfunduar ai fjalën e tij.