Kancelarja gjermane Angela Merkel dhe ministri gjerman i Shëndetësisë Jens Spahn, i kanë kërkuar Agjencisë Europiane të Barnave dhe krerëve të BE-së, që vaksina anti-covid të miratohet brenda 23 dhjetorit, dhe jo brenda 29 dhjetorit, siç qe parashikuar.
Burimet konfirmojnë shenjat e padurimit, dëshmuar të dielën prej ministrit Spahn: Të dhënat e BioNtech janë të gatshme, Mbretëria e Bashkuar, Shtetet e Bashkuara, e kanë dhënë tashmë miratimin e tyre. Shqyrtimi i të dhënave dhe miratimi prej Agjencisë Europiane të Barnave, duhet të ndodhë sa më shpejt të jetë e mundur, ka thënë ai, duke shtuar, se besimi tek aftësitë reaguese të Bashkimit Europian, varen nga kjo.
Ndërkohë, vende të tjera si Kanadaja, Singapori dhe Bahrejni kanë nisur fushatat e tyre të vaksinimit. Acarimi i Berlinit vjen në një kohë kur vaksina është zhvilluar prej kompanisë kombëtare BioNtech, ndërkohë që ajo gjendet buzë valës së dytë të pandemisë.
Agjencia Europiane e Barnave po merr aktualisht vendim mbi lëshimin e autorizimit për vaksinat e ndryshme ndaj Covid-19, ndërkohë që javën e shkuar, ka rënë pre e një sulmi informatik, gjatë të cilit i janë dhunuar dokumentat.
