Kancelari gjerman Olaf Scholz ka deklaruar ditën e sotme se Gjermania do të kërkojë pezullimin e projektit të gazsjellësit “Nord Stream 2′ me Rusinë.
Lajmi vjen një ditë pasi presidenti rus Vladimir Putin, deklaroi përgjatë një bisedë televizive, se, pavarësisht palarjmërmeve për masa radikale nga Perëndimi, Rusia do të njihte pavarësinë e dy rajoneve separatiste në Ukrainë, .
“Situata sot është krejt e ndryshme” deklaroi Scholz ditën e sotme përpara gazetarëve, “ndaj, në dritën e ndodhive të fundit, na duhet ta rivlerësojmë edhe këtë situatë… edhe sa I takon Nord Stream 2-it, tha ai, duke pohuar se kishte kërkuar edhe pezullimin e procesit të çertifikimit të gazsjellësit.
“Duket teknike, por është një pjesë administrative e nevojshme, ndaj nuk mund të ketë asnjë çertifikim të gazjellësit, dhe pa këtë certifikim, ky gazsjellës nuk mund të nisë të funksionojë”, sqaroi ai, ndërkohë që reagimi i Moskës, qe i menjëhershëm e përmes tuiterit së ish-presidentit rus Dmitry Medvedev, i cili shkruante: “Mirëse erdhët në botën e re të guximshme, ku europianët mjaft shpejt do të paguajnë 2000 euro, për 1000 metra kub gaz natyror”
Gazsjellësi prej 10 miliardë eurosh, në pronësi të gjiganit rus Gazprom, i cili aktualisht ka përfunduar ndërtimin, por nuk është vënë ende në punë, do të transportonte 55 miliardë metër kub gaz natyror në vit nga Rusia në Evropë.
Nord Stream 2, ka qenë një pikë e rëndësishme e fortë debati me vendet perëndimore dhe Ukrainën, që mbështesin idenë se gazsjellësi do t’I lejojë Moskës të ketë një pushtet të fortë politik në Evropë.
Deri më tani, Gjermania ka këmbëngulur ta shpjerë në fund projektin, ndërkohë që Kremlini e mohon se do t’i përdorë burimet e tij energjitike, si leva politike në Evropë, ndërkohë që të martën e shkuar, kryeministri ukrainas Volodymyr Zelenskiy kishte kërkuar ndërprjen e mënjëherëshme të Nord Stream 2.
Mes të tjerave, në deklaratën e tij, Scholz tha se Rusia mund të përballet edhe me saksione të tjera sa u takonte aksioneve të ndërmarra në Ukrainë, por këmbënguli gjithashtu, edhe në vijimin e dialogut mes Rusisë dhe Perëndimit.
