Anthony Fauci i ka kërkuar qeverisë kineze të publikojë kartelat klinike të nëntë personave, mes së cilëve edhe tri kërkues shkencorë, që kanë punuar pranë instituit të virologjisë në Wuhan, të cilët u sëmurën javë përpara rastit të parë të shënuar me kovid-19 në këtë vend, gjë që mund të ofrojë inormacione të mëtejshme mbi origjinën e epidemisë së kovid-19, për të cilën spekulohet se mund të ketë dalë edhe prej laboratorit të Wuhan-it.
Në një intervistë për Financial Times, Fauci pohoi se do të dontë të shihte kartelat e punonjësve që, sipas një raporti të shërbimit inteligjient amerikan, janë sëmurë më 2019-n në laboratorin ë Wuhanit. Fauci i kërkoi Pekinit gjithashtu, të publikonte edhe kartelat e gjashtë minatorëve, tri nga tw cilwt vdiqwn, që u sëmurën në 2012-n, pasi hynë në një shpellë lakuriqwsh nate, ndërkohë që shkencëtarët e institutit të virologjisë në Wuhan, vizituan më pas shpellën për të mbledhur kampionet e lakuriqëve.
Fauci u shpreh se sipas tij, ka shumë gjasa që virusi të ketë kaluar tek njerëzit prej kafshëve, por shtoi edhe se hetimet duhet të vijojnë derisa të merret vesh diçka. Ai nënvizoi edhe se, edhe nëse kërkuesit e laboratorit të Wuhanit mund të kenë qenë të infektuar me kovid-19, gjasat janë që ta kenë marrë edhe nga publiku i jashtëm, por gjithësesi kjo duhej sqaruar.
Kam menduar përherë që mundësia më e madhe është që – nisur nga eksperienca që kemi pasur me Sars-in, Mers-in, Ebola-n, HIV-in, gripin e pulave, gripin e derrit në 2009-n, që virusi të ketë kaluar nga kafshët, por duhet të vazhdojmë të hetojmë derisa të kuptojmë ç’ka ndodhur, u shpreh ai.
Ndërkaq, në këtë intervistë, Fauci e mohoi idenë që Instituti Kombëtar për Alergjitë dhe Sëmundjet infektive (NIAID) që ai drejton, të ketë gisht në përhapjen e kësaj pandemie, për shkak të financimeve që i ka dhënë institutit të Wuhan-it. “Sinqerisht mendon se kemi gisht në këtë pandemi, ngaqë i dhamë një institucioni multimiliarder, 120 mijë dollarë në vit, për mbikqyrjen e lakuriqëve të natës?”, iu përgjigj ai pyetjes, me pyetje
Deri më tani origjina e epidemisë së kovid-19 nuk është zbuluar ende. Hetimi i kryer prej OBSH-së në fillim të këtij viti, u përqendrua më tepër mbi tregjet e kafshëve si një burim i mundshëm, ndërkaq shkencëtarë të ndryshëm, përfshi dhe Faucin, besojnë se virusi ka kaluar me gjasa nga lakuriqët e natës, tek njerëzit.
Sipas Shtëpisë së Bardhë, dy nga orej degët e Shërbimit Inteligjent amerikan besojnë se ky virus është transmetuar në mëyrë natyrale,, ndërkohë që një tjetër degë e tyre, mendon se ai është përhapur prej laboratorit të Wuhanit, vend edhe ku virusi u shfaq për herë të parë, në fund të 2019-s.
