Ka marrë një sërë kritikash aktorja e njohur hollivudiane Demi Moore, e cila, teksa sfilonte gjatë “Javës së Modës në Paris”, ka tërhequr vëmendjen me pamjen e saj të tjetërsuar.
Një ëndërr adoleshence që realizohet, ka shkruar ajo në rrjetin social tuitter, teksa ka bashkëngjitur me tekstin edhe foto e video nga sfilata. Por fansat, përveçse e kanë komplimentuar për sharmin, e kanë bombarduar edhe me pyetje.
Të surprizuar nga pamja e fytyrës së saj, ata e pyesin se çfarë ka ndryshuar tek ajo dhe përse e ka bërë fytyrën ashtu, duke pretenduar madje edhe pushimin nga puna, të mjekut estetik që mund t’i ketë bërë ndërhyrjen.
Aktorja nuk ka reaguar aspak, por nuk është hera e parë, që pamja e 58 vjeçares së famshme, vihet në qendër të vëmendjes.
Edhe pse dikur këmbëngulte që nuk ka bërë ndërhyrje estetike e se paraqitja e saj nuk i detyrohet bisturisë, sërish nuk është shprehur ndonjëherë ndaj tyre: Nuk kam për t’I gjykuar kurrë atë që vendosin ta bëjnë atë, është shprehur ajo. Nëse është mirë për ta, s’shoh se ku është problemi.
