Kreu i Partisë së Lirisë Ilir Meta ka dekaruar nga Durrësi se situata nëpër bashkitë e vendit nuk pret më dhe se zgjedhjet e 14 majit janë historike për t’i dhënë fund më në fund, një situate të paprecedentë në demokraci.
Është një situatë që nuk pret më, deklaroi Meta përpara mbështetësve të tij durrsakë ditën e djeshme. Është një situatë që kërkon zgjidhje dhe do ta marrë zgjidhjen në 14 maj, me pjesëmarrjen tuaj në këto zgjedhje që janë historike, për arsye se ajo që ka ndodhur gjithë këto vite në Shqipëri, është një çmenduri që duhet votuar me votën e popullit të Durrësit dhe të gjithë Shqipërisë. Në Shqipëri ndodh që në katër vite, një parti, për të mos thënë një person i vetëm, të kontrollojë të gjithë pushtetin vendor dhe në mënyrë të paligjshme. Gjithë kryetarët e bashkive dhe gjithë këshillat vendor kudo. Dhe kjo ka dhënë një impakt tepër negativ, në raport me problemet e përgjithshme të qytetarit, me shërbimet që i duhen ofruar, me standartet e jetës në komunitet dhe ju e dini, dhe unë e di se kam shumë miq, kushërinj që jetojnë këtu prej vitesh, dhe në të gjitha bisedat ka ankesa të vazhdueshme për lënien pas dore, për mungesën e çerdheve, kopshteve, kanalizimeve, e shumë problemeve të tjera, për një zhvillim kaotik, që nuk u paraprin zhvillimeve për standarte më të larta. Dhe është e papranueshme që Durrësi që ësh të edhe qarku me potencialet më të larta për të qenë i pari në Shqipëri, sa u takon të ardhurave për familje, është nën mesataren e republikës, është poshtë Gjirokastrës, Durrësin që ka portin mijëravjeçar që duan t’ia zhbëjnë, që ka histori, që ka arkeologji, pra Durrësi që ka potenciale të pafundme për mirëqenie, për progress, dhe e tëra kjo kërkon politika jo vetëm nga qeveria, por nga Bashkia. Si nuk ka fonde për të rregulluar kanalizimet? Ka, por vidhen. Ju e dini, bie pak shi, në verë bie shi atje tek betoni në qendër të Durrësit, atje bëhet Venecia, pse? Se lekët janë marrë, por kanalizimet nuk janë bërë. Si nuk paska lekë Durrësi? Me një dorë, ka dhënë 28% të buxhetit vjetor të bashkisë për inceneratorët në Tiranë Durrësi, 9 milionë euro! Po c’bëhet me gjithë ato 9 milionë euro? Vidhen. Ato shkojnë të tëra tek offshore në Hollandë, e patë ju, atje inceneratorë nuk ka, djegie nuk ndodh, diferencim nuk ndodh, atje asgjë nuk ndodh, groposje primitive. Pra Durrësi është vënë në shërbim të një pakice urzurpatore, e cila ka shkatërruar potencialet e durrësit për një zhvillim harmonik, tha mes të tjerave Meta në fjalën e tij.
