Teksa protestat për rikthimin në dykalimshe të rrugës së Rinasit kanë hyrë sot në ditën e tyre të tretë, pranë rrethrrotullimit të aeroportit “Nënë Tereza”, janë zërat e fëmijëve ata që dëgjohen më së shumti sot:
“Hapni rrugën! Duam të shkojmë në shkollë!”, janë thirrjet e të vegjëlve ulur këmbëkryq në mes të udhës bri rrethrrotullimit që të shpie në aeroport, duke shprehur kështu vështirësitë që u ka krijuar vendimi i ri i qeverisë për ta bër një kalimshe këtë udhë. për shkuarjen dhe ardhjen prej shkollave përkatëse.
Nuk dihet ende në fakt sepse qeveria e ndërmori një masë të tillë, pa u konsultuar më parë me banorët, të cilët, ndajnë të përditshmen e tyre më këto udhë që në fakt janë të destinuara edhe për ata që hyjnë e dalin nga aeroporti.
Deri më tani nuk ka deklarata nga krerët e ministrive apo autoriteteve rrugore për këtë punë, e po ashtu as nga vetë kryeministri Rama.
Njoftimi i ministres së Infrastrukturës Belinda Balluku, për bërjen një kalimshe tē rrugës së Rinasit:
“Pas rritjes së fluksit të fluturimeve në Aeroportin e Rinasit, ndryshon sensi i lëvizjes nga data 1 MAJ.
– Automjetet që vijnë nga Veriu i vendit ndjekin sensin e lëvizjes Fushë Krujë-Vorë
– Automjetet që vijnë nga Tirana sensi i lëvizjes bëhet me dy kalime nga Qafë Kashari-Rrethrrotullimi i “Nënë Terezës”-Ahmetaq“
