Kështilltari ekonomik i PD-së Dorian Teliti, ka kundërshtuar sot progresivitetin e pagës mbi 400 mijë lekë të vjetra, që propozoi Rama dje nga Vlora. Në një deklaratë për shtyp nga selia e PD, ai u shpreh se ky taksim, është vrastar për ekonominë e vendit.
Rama 8 vite më parë, ndonëse premtoi taksim të ndershëm dhe ulje të taksave për 97 % të popullsisë shqiptare, ai realisht bëri të kundërtën. I rriti taksat për të gjithë ne. Rriti rrogat për të gjithë shqiptarët që marrin një rrogë më të lartë se 300 mijë lekë të vjetra. Përsëri tani, Rama nuk tërhiqet nga taksimi vrastar progresiv, por premton të vazhdojë të taksojë në të njëjtën masë, të gjithë ata që marrin një pagë më të lartë se 400 mijë të vjetra në muaj. Tasksat e rritura, keqmenaxhimi dhe abuzivizmi, na kanë goditur të gjithëve ne shumë rëndë. Në 8 vite paratë e taksave tona, të djersës sonë, shkuan për PPP, lukse zyrash dhe tendera pa garë. […] Pas 25 prillit, PD premton të ulw taksat për të gjtihë shqiptarët dhe do të aplikojë taksën e sheshtë që u jep frymë familjeve, bizneseve dhe rritjes ekonomike. Më shumë para do mbeten në xhepat e shqiptarëve dhe më shumë vende pune do hapen nga paratë që do kursejnë bizneset nga kursimi i taksave, tha Teliti.
