Këtyre ditëve të nxehta, jo pak njerëzve mund t’u ketë rastisur që edhe brenda në frigorifer t’u jenë prishur ushqimet. Por si ta shmangim një gjë të tillë? Autoriteti Kombëtar i Ushqimit, ofron për të gjithë disa rregulla të thjeshta për t’u zbatuar, në mënyrë që të kemi një ushqim sa më të freskët e më të shëndetshëm.
Sa më poshtë, 8 rregullat që na mundësojnë ta ruajmë vërtet një ushqim të freskët në frigorifer
- Ushqimi i gatuar dhe i ruajtur në frigorifer, mund të konsumohet dhe të hahet brenda 3 ditëve.
- Ushqimet e sapoblera duhet të futen në frigorifer brenda 2 orëve.
- Mishi i freskët, i pulës, mishi i grirë ose i kuq, mund të qendrojë deri në tri ditë tek pjesa e ftohjes së friigoriferit, në temperaturat 0-5 gradë celcius, përpara se të gatuhet.
- Domatet janë të sigurta jashtë frigoriferit, dhe kjo është një mënzrë e mirë për të ruajtur aromën dhe shijen e tyre
- Vezët ruhen në frigorifer më së miri deri në datën e skadencës që ndodhet mbi paketimin e tyre.
- Mjalti mund të ruhet më mirë në temperaturë ambienti.
- Për të ruajtur cilësinë ushqimi nuk duhet ruajtur më tepër se 6 muaj në ngrirje. Të gjithë ngrirësit duhet të kenë klasifikimin përkatës, shënuar me yje, qe ndodhet përgjithësisht në manualin e prodhimit (*) Deri në – 6 gratë mund ta ruajë ushqimin deri në 1 javë maksimumi. (**) Deri në -12 gradë mund ta ruajë ushqimin deri në 1 muaj maksimumi (***) Deri në -16 gradë, mund ta ruajë deri në 3 muaj maksimumi. (****) Deri në -18 gradë është is përshtatshëm për të ruajtur ushqimin afatgjatë.
8. Katet, koshat dhe ndarjet e frigoriferit duhet të pastrohen në mënyrë të rregullt, sepse sipërfaqet mund të ndoten nga bakteret që ndodhen tek paketimet e ushqimeve. Mos harroni të pastroni edhe dorezat.