Avioni i liderit komunist rumun Nicolae Ceausescu do të nxirret së shpejti në ankand.
Rombac 1-11, përdorur vetëm për udhëtimet zyrtare të diktatorit mes 1986 dhe 1989, do të dalë në shitje më 27 maj të këtij viti, me një çmim fillestar prej 25.000 eurosh (rreth 30.000 dollarësh).
I ndërtuar në Rumani me licensë të British Aircraft Corporation vitet ‘80 dhe modeluar sipas BAC 1-11, sipas Artmark, shtëpisë së ankandeve përgjegjëse për shitjet, ky avion konsiderohet si “një xhevahir i industrisë aeronautike të vendit”.
Përveç lidhjes me Çauçeskun, avioni prej 199 vendesh është dhe njëri nga 9 modelet Rombac 1-11, ndërtuar nga britanikët përpara 1989-s. Një tjetër model, i përdorur më parë prej ish presidentit Ion Iliescu, një tjetër figurë tejet e debatuar rumune, do të dalë në ankand po në të njëjtën ditë, e po me të njëjtin çmim fillestar.
