Pamje të rralla i vijnë njerëzimit prej teleskopit James Webb, i cili u lëshua në hapësirë më 21 dhjetor të 2021. Teleskopi i cilësuar ndryshe edhe si pasardhësi i Hubble, ka paraqitur ditën e sotme pamjen më të thellë të universit që njerëzimi ka pasur deri më tani, e që i hapin udhë edhe një sërë përgjigjeve mbi se cfarë bëhet përtej sistemit tonë diellor.
Janë një sërë galaksish që shndrijnë pranë galaksive të tjera, – sqaroi kreu i NASA-s Bill Nelson, teksa shpjegonte pamjet infrared për presidentin amerikan Joe Biden dhe zëvendësen e tij Kamala Harris. – Falë tij, do të jemi në gjendje të shpjegojmë edhe pyetje që nuk ia kemi bërë ende vetes.
Protagonst i imazhit të parë të teleskopit James Webb, është grumbulli i galaksive SMACS 0723, e po ashtu edhe imazhe nga Mjegullnaja e Karinës, një prej më të mëdhave e më të shndritshmeve të Udhës së Qumështit, një djep yjesh masivë 7600 vite larg njëri-tjetrit. Teleskopi ka kapur po ashtu edhe imazhet e një planeti jashtë sistemit tonë diellor, WASP-96b, një gjigand ky i përbërë kryesisht prej gazit, i cili gjendet 1150 vite dritë nga Toka.
Shquhen po ashtu mes imazheve të paraqpitura prej këtij teleskopi, edhe ato të Unazës Mjegullore të Jugut, një re gazi që përhapet e që rrethon një yll në fikje e sipër. Në fund, teleskopi ka përkapur edhe imazhet e pesë galaksive pranë njëra-tjetrës, njohur si Pescja e Stefanit, 290 milion vite larg.
Për secilin prej këtyre objekteve kozmike, teleskopi Webb i ka kapur imazhet përmes instrumenteve të ndryshme. Deri më tani janë shfaqur vetëm një pjesë e imazheve, e më vonë, bën me dije NASA, do të shfaqen edhe të tjerët.
Në fjalën e tij, Biden e cilësoi këtë risi një hap të madh për njerëzimin, pa harruar të shtojë edhe se kjo dëshmon që Amerika mund të bëjë ende gjëra të mëdha.
Teleskopi James Webb është rezultat i bashkëpunimit të Nasës, Agjencisë Hapësinore Europiane dhe Agjencisë Hapësinore Kandadeze.
