Duket e çuditshme, por në fakt është një realitet i pranishëm prej vitesh për banorët e Vorës, të cilët deklarojnë për MetropolPost.al se në Vorë nuk ka çerdhe për fëmijët e se kopështi, edhe nëse është i hapur, është deri në orën 12.00 paradite, gjë që i detyron sidomos nënat e reja që punojnë ose të shkëputen nga puna sa fëmija t’ju bëhet për në kopësht ose ta lënë ata me dikë kë tjetër.
Nga sa deklarojnë nënat e reja të Vorës, në këtë bashki nuk ka pasur kurrë çerdhe publike, e se edhe aktualisht ende nuk e dinë a do të këtë një çerdhe për fëmijët e tyre në godinës e re të shkollës që po ndërtohet.
“Mua shkon ma merr vjehrra”, deklaron për MetropolPost një zonja e re, “se në të kundërt nuk do kisha ku ta lija. Dhe kjo është tmerr. Vend që nuk ka çerdhe publike, e që kopshti funskionon deri në 12.00 të drekës”.
Ndërkaq një tjetër banore e Vorës, me dy fëmijë, nga të cilët njeri në moshë çerdheje, shprehet se rri në shtëpi e mban të bijën.
“Çerdhe private ka”, thotë ajo për MetropolPost, “po ku ta kërcet që ta pagush?”
Aktualisht në Vorë po ndërtohet shkolla e re, por banorët nuk e dinë më siguri se a do të këtë një çerdhe për fëmijët e tyre aty. Disa thonë po, kurse të tjerët janë të bindur jo, se aty do të ketë vetëm kopshte, por jo edhe çerdhe, siç do të donin ata.
