Një dokument i Qendrës për Kontrollin dhe Parandalimin e Sëmundjeve (CDC), njoftuar së pari në të përditshmen amerikane Washington Post, sqaron se varianti Delta i covid-19, përhapet po aq lehtësisht sa lija e dhenëve, duke shkaktuar edhe pasoja më të rënda tek të prekurit.
Në dokumentin i cili pritet të bëhet publik këtë të premte, thuhet se edhe personat e vaksinuar plotësisht, mund ta përhapin këtë variant me po të njëjtën shpjetësi si të pavaksinuarit.
Në deklaratat e bëra për mediat amerikane, drejtuesja e CDC-së dokt. Rochelle Walensky, konfirmon vërtetësinë e këtij dokumenti, duke e vënë theksin tek ndryshimi i rregullave edhe për ata që janë vaksinuar plotësisht tashmë.
Mendoj se njerëzit duhet të kuptojnë që ne nuk po thërrasim thjesht ujku këtu, deklaroi ajo për CNN. Ky është një prej viruseve më të transmetueshëm që njohim, si lija e dhenëve apo sëmundjet e ngjashme. Masat që na nevojiten për ta mbajtur nën kontroll janë ekstreme, masat që na duhen janë ekstreme.
Mes të tjerave në dokumentin e CDC-së thuhet se varianti Delta është thuajse 4 herw mw shumw i transmetueshwm se varianti origjinal, dhe se çdo person i infektuar, infekton mesatarisht 8-9 të tjerë, krahasuar me virusin origjinal, ku një person ia transmetonte virusin mesatarisht dy të tjerëve.
Ky dokument, po sipas medieve amerikane, citon edhe tri raporte të tjera që dëshmojnë se varianti Delta, i njohur fillimisht si B.1.617.2, mund të shkaktojë pasoja më të rënda se origjinali.
Në të dokument thuhet se CDC-ja duhet ta pranojë tashme se “lufta ka ndryshuar” e se edhe të vaksinuarit, duhet të mbajnë maskë tashmë.
