Ministrja e Bujqësisë Frida Krifca është takuar ditën e sotme me homologun serb Nedimoviç, për të diskutuar mbi kontratat e import-eksportit, përfshi dhe grurin e misrin, në kuadër të Marrëveshjve të Ballkanit të Hapur.
Në njoftimin ndarë nga vetë ministrja Krifca, bëhet me dije se të gjitha ato kontrata do të çlirohen dhe puna do të vijojë normalisht.
Shënimi i plotë nga ministrja Krifca.
Sot në Beograd, me ministrin Nedimovic, diskutuam hapjen e tregtisë mes vendeve tona në kontekstin e marrëveshjes së Ballkanit të Hapur. Kontratat e lidhura për importin dhe eksportin e produkteve të ndryshme përfshirë misrin dhe grurin do të çlirohen dhe vijojnë normalisht. Garantuam njëri- tjetrin për një bashkëveprim dhe bashkërendim institucional në mënyrë që kompanitë dhe biznesi të vijojnë punën e tyre normalisht për importet e grurit, misrit dhe mallrat e tjera.
Është shembull kuptimplotë se si marrëveshja e Ballkanit të Hapur funksionon për tregtinë e lirë të mallrave ushqimorë, në shërbim të vendeve tona dhe krijon lehtësira në periudha shumë të vështira si kjo që po kalojmë kur tregjet ndërkombëtare shumë më të sofistikuara tkurren apo mbyllen për efekte të luftës.
