Ka reaguar sa i takon bujqësisë dhe zhvillimit të saj të pakët në vend, edhe deputeti i Partisë Socialiste Erion Braçe. Në fjalën e tij Braçe e vuri theksin tek politikat e taksimit në bujqësi, luhatja e të cilave, në varësi të humorit të atyre që kanë bërë politikat fiskale në vite, e ka shpënë bujqësinë dhe bujkun në këtë gjendje.
Bujku duhet ta dijë ç’skema ka të qendrueshme. Sa para i duhen për të mbajtur tufën, për të marrë prodhimin, për të mbajtur familjen, ndryshe, ça vlere ka? tha Braçe gjatë diskutimit të plan-buxhetit për Bujqësinë, në komisionin e Ekonomisë dhe Financave. Politikat e taksimit janë të paqëndrueshme dhe nuk e ndihmojnë prodhimin në fshat, as agro-përpunimin. Nëse qeveritë kanë bërë shumë mirë që kanë mbështetur qendrat e grumbullimit, nga ana tjetër taksimi nuk e ka ndihmuar, dhe paqendrueshmëria në taksim ka krijuar shumë probleme në sistemin bujqësor. Trajektorja e taksave, e paqendrueshme ne keto 16 nuk e ka ndihmuar fare, e madje nëse e ndihmoi të merrte frymë për pak, ia mori prapë. Kjo situatë, lidhet me personalizimin e politikave fiskale. Ia kemi thënë ministrit të periudhës, mos se do bësh dëm, ja ku jemi. Pra është momenti që të mblidhemi e të ulemi, e t’i japim fshatit atë që i takon, tha mes të tjerash Braçe.
