Deputeti i Partisë Socialiste Erion Brace ka publikuar në rrjetet e tij sociale një apel i cili i fton të gjithë të bashkëpunojnë për mbjelljen dhe prodhimin e drithërave, që në kontekstin aktual, janë tejet të rëndësishme sipas tij. Në videon e publikuar, Brace fton aktorët në lojë, të investojnë tek prodhimi i tyre, e po ashtu të negociojnë mbi koston e prodhimit e të shitjes së tyre
“Gruri, misri, thekra, elbi etj, janë cështje e sigurisë kombëtare tani!”shkruan Brace. “Që mos kujtohemi në mars e mburremi në korrik për atë që nuk bëmë me grurin, por dhe për cdo produkt tjetër të drithërave; Na duhet një plan tani! Së pari, për misrin-atë që po bëhet gati për t’u korrur për pak javë, atë që po mbillet tani; cmimin e tij! Së dyti, për grurin-atë që duhet të mbjellim në fund shtator e fillim tetor, që duhet të jetë doemos me shumë se një vit më parë ne sipërfaqe! Së treti, për kostot-duke nisur nga lëndet e para, farën, plehrat kimike e cdo gjë tjetër që rrit produktivitetin e sjell rendimente të larta. Së katërti, për cmimin-duke kontraktuar tani, para mbjelljeve e me cmime të drejta për cdo produkt në drithëra! Duhet të organizohemi e te flasim me bujqit, t’i bindim, t’u sigurojmë me kontrata që nuk i zhbën karteli i tregtarëve të drithit e miellit, e pse jo t’i subvencionojmë e mbrojmë nga kostot e lëndëve të para!
Quhet punë e duhet bërë!
Nëse do rrimë me shprese te marrëveshjet për grurin e Ukraines, që mund të mos dalë kurrë, për më tepër kur një alenace fashiste në lindje më tej Evropes, është dështim!”
