Një sërë vendesh mbarë botën si Australia, Londra, Madridi, Greqia, kanë shënuar protesta ku mijëra persona janë mbledhur nëpër sheshet respektive, për të shprehur solidarizmin me Palestinën.
Manifestuesit në Londër u mblodhën më mesditë në Marble Arts pranë Hyde Park, prej nga u nisën drejt Ambasadës Izraelite në anën tjetër të parkut, duke mbajtur në dorë pankarta me slogane në favor të lirimit të territoreve palestineze. Qeveria britanike duhet të reagojë menjëherë, thanë oragnizatorët e saj, mes së cilëve Liga e Myslimanëve të Mbretërisë së Bashkuar. Ajo ka qenë për shumë kohë bashkëpunëtore në këtë gjë, për shak se i ka ofruar mbështetje ushtarake, diplomatike dhe financiare Izraelit, dhe nuk duhet të lejojë që dhuna e tij ndaj Palestinës të mbetet e pandëshkuar.
Ndërkaq në Spanjë, rreth 2500 persona kanë menifestuar në mënyrë paqesore në qendër të Madridit. “Jeruzalemi është dhimbja e tjetrit“, “Jeruzalemi është qyteti i përjetshëm i palestinezëve”, shkruhej nëpër pankartat e banderolat e tyre. “Kjo nuk është luftë, por genocid.”
Edhe Athina ka vendosur të dalë sërish sot në protestë, pas asaj të ditës së mërkurë përpara Ambasadës Izraelite, ku pati edhe përplasje me policinë.
Po ashtu edhe në Tiranë është organizuar në orët e sotme të pasdites, një protestë modeste për t’u solidarizuar me palestinezët, mes së cilëve raportohen shumë të vdekur, gra, burra dhe fëmijë.
