Duket se ftesa e ish kreut historik të PD-së Sali Berisha, për t’u mbledhur në shesh kundër nismës së Open Balkan, ka rezultuar e suksesshme. Një numër i konsiderueshëm demokratësh dhe përfaqësues të njohur të kësaj partie, janë mbledhur përpara Kryeministrisë, duke adresuar kundërshtimin e tyre ndaj kësaj nisme, e cila, nga sa kanë bërë me dije edhe liderat e Ballkanit Perëndimor, synon që liberalizojë lëvizjen e lirë dhe pa barrieria, të mallërave e të njerëzve, për të favorizuar zhvillimin e rajonit.
Kujtojmë që Rama, Vuçiç dhe Zaev do të takohen këto dy ditë për të nënshkruar një sërë marrëveshjesh në kuadër të kësaj nisme.
Tri liderat që e kanë mbështetur hapur këtë nismë, Rama, Zaev dhe Vuçiç. kanë shkruar ditën e djeshme edhe një letër, ku ftojnë edhe tri vendet e tjera të Ballkanit Perëndmor, Kosovën, Malin e Zi dhe Bosnjë-Hercegovinës, t’i bashkohen kësaj nisme.
Në shesh së bashku me demokratët që i janë përgjigjur thirrjes së Berishës, gjenden e dhe përfaqësues nga Kosova, e cila në fakt, e ka deklaruar qartë dhe pastër, kundërshtinë ndaj kësaj nisme.
