Lideri historik i Partisë demokratike i ka kërkuar ish liderit të saj Lulëzim Bashës të bëjë transparencë me fondet ruse. Në sqarimin e tij për mediat, Berisha theksoi se nga arkat e PD-së, as ka hyrë e as ka dalë kokërr leku, ndaj Basha duhet të tregojë sec ka bërë me to
I vetmi koment që kam unë për Bashën, tha Berisha, është të bëjë transparente problemin e fondeve ruse, se kjo është shumë serioze. E them në mënyrë shumë serioze. Unë nuk kam folur, por komisioni i ngritur për këtë qëllim, do t’i japë atij të drejtë të shpjegojë këtë akt-akuzë të rëndë personale, pasi është e faktuar se ajo nuk ka pasur lidhje me asnjë institucion të PD-së, nuk ka kaluar, nuk ka hyrë e nuk ka dalë nga arka e PD-së asnjë qindarkë. Unë mendoj se është e domosdoshme që ai të sqarojë këtë akuzë të përsëritur, tashmë. U bë një herë nga gazetarët e Madhër Xhons, por tani nuk janë gazetarët e Modher Jones, tani janë institucionet e sherbimeve inteligjente të SHBA.
Unë me Bashën këtë problem kam, përsa ai është deputet i PD dhe anëtar i grupit parlamentar të PD, ai duhet ta bëjë këtë transparencë, dhe ky është një kusht shumë I rëndësishëm, të gjithë e presin këtë sqarim, tha mes të tjerave Berisha
