Është rikthyer në fushën e betejës pas një ndërprerje thuajse dy javore, kreu i PD-së Lulëzim Basha, i cili, pas humbjes së zgjedhjeve të 25 prillit,dhe përplasjeve brenda PD-së për largimin e tij nga posti i drejtuesit, ka mbledhur sot përfaqësuesit e strukturave të Durrësit, ku shprehur edhe seç ka ndërmend të bëjë, ndërkohë që Kuvendi i dalë prej 25 prillit, mblidhet në shtator.
Në fjalën e tij Basha, theksoi se demokratët nuk do tërhiqeshin dhe do ta vazhdonin betejën e tyre, “derisa regjimi Rama-Doshi të përmbysej”.
Kemi qenë të qartë e të sinqertë prej ditës së parë me shqiptarët, tha Basha. Kjo nuk ishte një betejë për ne, ishte një betejë për Shqipërinë dhe shqiptarët. Përballë nesh, si asnjëherë më parë, u vendosën të kombinuara aradhët e krimit të organizuar dhe e gjithë makineria shtetërore. Nëse ne u futëm në betejë pothuajse në të njëjtat kushte si në ’91-shin, kundër partisw-shtet, shteti-parti u vërsul mbi qytetarët shqiptarë edhe më keq se në vitin 1991. Njësoj, e madje në disa aspkete edhe më keq, se në masakrën elektorale të vitit 2001.
Të gjithë e dimë blerjen masive të votës të orkestruar nga Edi Rama, tha Basha, me ndihmën e të pandehurëve akoma të padënuar të të pandehurëve të dosjes 339, Ergys Çyrbes dhe bandën së Lul Ballës, Ndrazhit dhe bandës së Altin Hajrit dhe klanit kriminal Rraja, dhe klaneve të tjera kriminale në Durrës, e po kështu anë e mbanë Shqipërisë. Mos kujtoni se e kam harruar Vangjush Dakon. As unë e as ekipi ynë ligjor, me krahun e tij të djathtë Çelën e OSHE.
Basha tha se të gjithë ishin dëshmitarë të mënyrës se si qe kërcënuar administrata, se si qe përdoriur ajo e se pikërisht për të gjitha këto, prej më shumë se një viti, në SPAK dhe organet përkatëse, gjendeshin mbi 180 kallëzime.
25 prilli, tha Basha qe një masakër elektorale, ku vullneti i zgjjedhësve u tjetërsua nga shitblerja e votës dhe shkrirja e shtetit me partinë dhe partisë me shtetitn. E qartë si ky diell që po shndrit, që ky reultat nuk do të pranohet kurrë. Dhe për kë mendon se 25 prilli është mbarimi i betejës sonë, e ka gabim. Beteja jonë do të vazhdojë deri në përmbysjen e regjimit Rama–Doshi.
