Si do të jenë yjet e korrikut? A do të kemi mundësinë të pushojmë e të shijojmë detin?
Astrologia Meri Gjini na rrëfen se si do të jetë energjia qiellore gjatë muajit ku sapo kemi hyrë, ku jemi më të favorizuar, e seç duhet të kemi parasysh për ta kaluar sa më mirë.
Muaj pushimesh sivjet do të rezultojë i mrekullueshëm gushti, edhe pse disa do të kenë mundësira edhe në korrik, por duket sikur janë pjesë të shkëputura. Kjo për arsye se pjesën e parë, deri nga data 5 korrik të paktën, nuk është se kemi ndonjë ndryshim të madh nga dhjetëditëshi i fundit, apo nga ditët e fundit të qershorit. Vazhdojmë të jemi, të paktën deri nga data 10, në ndikimin e atyre planetëve të vështirë që them unë, në katërkëndëshin e Saturnit me Uranin, gjë që na përfshin të gjithëve nga pak, e po ashtu kemi edhe Marsin në hyrje të drejtëpërdrejtë me Venusin, në një moment drejt datës 10 tek Luanët, gjë që bën që të qenurit dhe të ndjerit, mes detyrimeve profesionale dhe familjare, shpirtërore apo personale, të jetë shumë e fortë.
Korriku do një saktësim në vendojen e prioriteteve si muaj, gjë që nuk na gjen as në dëshirën për të qenë të saktë në prioritete, por as në mundësi, sepse të gjtihë kemi nevojën për t’u arratisur, për tú larguar, plus që, nëse e marrim edhe në konteksin e kohës, do kujdes. Gjëja kryesore që duhet deri në datën 10 korrik të paktën, është toleranca, gjëja e dytë është të duam veten të duam jetën, gjëja e tretë është pjesa e respektimit të faktorit kohë, ndërkohë që të trija këto emocione i ka ndrydhur kovidi apo i ka nxjerrë të ashpra në sipërfaqe. Dhe kur folëm në mars, thamë që psikologët duhet të dalin në vijë të parë, duhet të jenë full time punë, në mënyrë që të kemi mundësi që të gjejmë një formë ekuilibri, për të mos prishur terezinë, sepse realisht, deri në datën 10, por sidomos rreth datës 4-5, do jenë shumë të forta këto, do vazhdojnë të kemi reagime të forta, si në familje, si në punë.
Pra të duruarit, natyrat e qeta apo tolerantët në përgjithësi, ose ata që e duan shumë rehatinë e tyre, janë ata që do t’i marrin korrikut më të mirën, ndërkohë, nga data 12 deri në datën 27, kemi këto bashkimet fantastike në fakt, të jetës personale, të patosit, të pasioneve, të ayre që janë në kërkim të dashurisë, dhe me mërkurin tek Gaforrja, pothuajse në pjesën më të madhe të kohës, duket sikur komunikimi do të bëhet më i ngrohtë, do të futemi në shoqëri të reja apo në grupime të reja.
Me pjesën e profesionit, ata që vendosin prioritetin në momentin e duhur, jam e sigurt që do të kenë të dhëna, do kenë çfarë të marrin dhe, për pjesën e dashurisë, do jenë thuajse të gjithë në një valë të bukur, minimalisht, të gjithë do të duan që të flirtojnë apo të flirtohen prej të tjerëve.
Pra toleranca, toleranca, toleranca, është ajo që duhet të na karakterizojë të gjithë ne, në pjesën e parë, të paktën deri nga data 10.
