Sa i takon të ardhmes në Venezuelë, ajo është e pasigurt. Ministri i Mbrojtjes i Venezuelës është zotuar të vazhdojë luftën dhe u ka bërë thirrje qytetarëve të bashkohen për t’i rezistuar “pushtimit” të huaj, duke e quajtur rezistencën ndaj SHBA-së një “luftë për liri”.
Edhe pse Maduro është kapur, institucionet dhe ushtria e Venezuelës janë të paprekura. Nuk është e qartë nëse sulmi i së shtunës ndaj Venezuelës ishte fillimi i një konflikti më të gjerë apo një operacioni të vetëm, pasi Trump tha se SHBA-të ruajnë të drejtën edhe për operacione të mëtejshme ushtarake në vend.
Udhëheqësit e opozitës venezueliane, kryesorja mes tyre fituesja e çmimit Nobel për Paqen, María Corina Machado, i kanë bërë thirrje Trumpit të mbështesë një kryengritje në vend.
Trump tha të shtunën se do të jenë SHBA-të ato që do të marrin vendime për atë që do të ndodhë më pas për Venezuelën. “Nuk mund të rrezikojmë duke lejuar dikë tjetër të vrapojë dhe thjesht të marrë përsipër atë që la ai, ose e la”, tha Trump. Ai shtoi se SHBA-të po mendojnë që Machado të marrë përsipër pushtetin, por theksoi gjithashtu se, për momentin, zëvendëspresidenti venezuelian është në krye të vendit.
