Policia e Shtetit bën me dije se Alqi Bllako, i akuzuari numër dy për korrupsion me inceneratorët nga SPAK, nuk është arratisur por ndodhet në Drejtorinë Vendore të Policisë Tiranë.
Mes të tjerave Policia rrëfen edhe se Bllako është vetë dorëzuar, ashtu siç e parashikon edhe ligji.
Njoftimi i plotë i Policisë së shtetit
Drejtoria e Përgjithshme e Policisë së Shtetit, informon publikun se përkundër disa lajmeve të rreme mbi arratisjen e shtetasit Alqi Bllako, ky shtetas ndodhet në Drejtorinë Vendore të Policisë Tiranë që prej mbrëmjes së djeshme.
Sqarojmë se shtetasi Alqi Bllako është vetëdorëzuar konform detyrimit ligjor për zbatimin e masës së sigurisë “Arrest në burg”, lëshuar dje nga Gjykata e Posaçme e Shkallës së Parë për Korrupsionin dhe Krimin e Organizuar.
