Në emisionin e parmbrëmshëm televiziv Opinion, në një intervitë dhënë për moderatorin Fevziu, teksa ky i fundit e pyeti mbi SPAK-un dhe se përse nuk ka emra të mëdhenj ashtu siç kishte thënë edhe Lu para se të largohej, ambasadorja amerikane Yuri Kim u shpreh se ky qe një perceptim i rremë i shoqërisë shoqërisë dhe Fevziut e se media nuk fliste për të gjitha ato që ndodhin në SPAK
Mendoj që SPAK ka bërë shumë përparime, tha Yuri Kim, ka qenë në funksion pak më shumë se një vit dhe kreu i tij Arben Kraja ka dhënë disa intervista mbi veprimet e ndërmarra nga SPAK. Ata kanë nxjerrë raportin për vitin 2020, ku flisnin për 740 individë që ishin nën hetim dhe se çfarë ka ndodhur me asetet e konfiskuara. Siç e dini, unë mbaj shënime shumë të kujdeshme edhe për këtë, se Shteet e Bashkuara kanë investuar në mënyrë të jashtëzakonshme në suksesin e SPAK, si nga pikëpamja e anës materiale, por edhe në këshilla dhe mbështetje të tjera. Për 3 mujorin e këtij viti, të dhënat më të fundit qe kam është që 264 persona janë duke u hetuar. E përsëris, reforma në drejtësi nuk ka për të qenë e shpejtë, e lehtë apo e përsosur, dhe nëse pret këtë, po përgatiteni pr dështimin. Ajo që dua të them është se po ndodh përparimi I vërtetë dhe përparimi sa do ecim përpara nuk do të jetë një vijë e drejtë. Nuk shkon nga këtu deri atje. Dhe ajo që duhet të ndodhë është që prirja e gjerë të jetë ecja përpara dhe mendoj se kjo është ajo që po shihni.
Numrat janë numra, nuk po them gjë për numrat, por problem është tek rastet konkrete, tek shembujt e mëdhenj, që publiku ende nuk po i sheh. Le të themi të mëdhenjtë, personat e rëndësishëm, personat me pushtet. Këta nuk janë ende nën hetim, nuk po shohim gjë për ktë. Sepse njerëzit, lidhur me reformën në drejtësi, kishin parasysh “peshqit e mëdhenj”, po përdor këtë term të ambasadorit Lu, që do të hetoheshin, e megjithatë tani nuk kemi emra të mëdhenj që do të hetohen. Pse?
Do jem e drejtëpërdrejtë siç jam zakonisht, sqaroi Kim. Mendoj se jeni keqinformuar dhe mendoj se po përsërisni diçka që është e rremë. Ka pasur çështje të mëdha, që janë shpallur, dhe ju nuk flisni për to. Nuk do t’i përmend me emër, se nuk dua të ndërhyj në çështjen në vazhdim.
Për shembull, verën e shkuar u shpall një çëshje e madhe, e cila përfshinte dhe trafikun e drogës, që ka një lidhje me median dhe biznesin, ju nuk flisni për të, dhe pastaj pretendoni që nuk po ndodh asgjë. Ka prokuror, ka mjekë, ka të tjerë që po hetohen. Tani, nëse më thua që askush nuk do ta besojë që derosa politikani më i madh apo kushdo tjetër të jetë në burg, mendoj që po injoroni faktet dhe po vazhdoni propagandën. Nuk është e vërtetë që nuk ka përparim. Në fakt ka pasur përparim të jashtëakonshëm. Nëse do të isha si ju, do t’ju nxisja të kërkonit dhe të ishit më të guximshëm në raportin e fakteve, se kush nuk po hetohet dhe për çfarë. Mos pretendoni që nuk po ndodh asgjë, se është shërbim i keq për popullin.
Keni thënë që po hetohen 3-4 çështje të mëdha, ç’mendoni, do kenë rezultat këto në të ardhmen?
Besoj se po.
Shikoni qoftë reforma në drejtësi, qoftë puna e SPAK, qoftë reforma zgjedhore, askush nuk është mbi ligjin. Kohës së pandëshkueshmërisë po i afrohet fundit.
