Teksa ka pasur në fokus problematikën e ujësjellësave, kreu i qeverisë Rama nuk ka nguruar ta vërë theksin edhe tek problematika e gurove, të cilat në gjykimin e tij, janë një nga tri gjërat që po e dëmtojnë më tepër mjedisin aktualisht. Teksa paralajmëroi drejtuesit e guroreve të merrnin masa e të operonin sipas kontratave deri më 31 dhjetor të këtij vitit, Rama ka bërë me dije, se nuk do tërhiqet nga vendimet e tij për mbylljet e tyre, edhe nëse punonjësit e këtyre ndërmarrjeve ngrihen në protesta.
Çuditërisht, tha Rama, nuk ka asnjë letër, zero, nga ana e Bashkive në ministrinë e Mjedisit, ku të thuhet që kjo kompani që po shfrytëyon këtë gurore, nuk ka mbjellë asnjë pemë, se është normale, po shfrytëzove gurorenm do mbjellësh pemë.
Dhe sa u takon guroreve, ju si bashki duhet t’i qëndroni shumë larg kësaj pune, se ato ndërhyrjet sociale, mbajnë erë të keqe për fat të keq, dhe shfrytëzuesit e guroreve, duhet ta kuptojnë që, ose do të vijnë tani e do të nënshkruajnë marrëveshjen e pyllëzimit e do të pranojnë kalendarin e pyllëzimit, ose do mbyllen pa kthim. Dhe të harrojnë se do përdorin punonjësit, që i përdorin si skllevër nëpër ato gurore, si mish për top për të bërë protesta e për të vazhduar procesin e asaj barbarie. Duhet të vijnë, të njihen me sa thellë kanë hyrë në rrugën e paligjshmërisë, të marrin përsipër të pyllëzojnë sipas kontratës, jo jashtë kontratës, dhe pastaj të vazhdojnë punën, dhe për këtë kanë afat deri në 31 dhjetor, tha mes të tjerave Rama
