Është larguar sot prej postit të Drejtorit të Përgjithshëm të Policisë Ardi Veliu, një emër I përfolur sot gjerësisht në media pikërisht për këtë gjë.
Lajmin zyrtar e bëri të ditur kreu i qeverisë Rama, i cili në tuiterin e tij, teksa shpreh edhe konsideratat e larta për punën e Ardi Veliut, ka postuar edhe letrën e dorëheqjes së këtij të fundit.
Me konsideratën më të lartë për ndershmërinë, profesionalizmin dhe përkushtimin e posaçëm të Drejtorit të Përgjithshëm të Policisë së Shtetit, Ardi Veliu, shkruan Rama, dhe me bindjen se ai ka akoma shumë për t’i dhënë shtetit në detyra të tjera, e falenderoj nga zemra për kontributin e vyer.
Motivi i dhënë prej Veliut në letrën e tij është nevoja që ai ka për të ndenjur pranë familjes, gjë që e shtyn të mos kërkojë mandat tjetër si drejtor i Përgjithshëm i Policisë së Shtetit.
Kujtojmë që largimi i Ardi Veliut prej këtij posti është kërkuar shpesh prej shoqërisë civile, e rasti më i fundit ka qenë ai kur u vra se shkeli orën policiore, i riu Klodian Rasha.
Letra e plotë e Veliut, postuar prej Ramës:
