KKT-ja ka miratuar dje lejen për Teatrin e Ri Kombëtar. Lajmin e kanë bërë me dije jo vetëm kreu i Bashkisë së Tiranës, por edhe një sërë ministrash të qeverisë Rama, të cilët kanë publikuar nëpër llogaritë e tyre në rrjetet sociale, pamje nga planet 3D të teatrit të ri kombëtar.
Sipas informacionit të dhënë nga kreu i Bashkisë Tiranë, Veliaj, teatri i ri kombëtar do të ketë: AUDITORIUM 635 vende, BLACK BOX i vogël 150 vende, BLACK BOX i madh 350 vende, AUDITORIUM në taracë 500 vende, 2 kate parkim, Zero kulla në territor.
