Në një deklaratë për shtyp, zëdhënësi i presidentit Tedi Blushi, ka bërë me dije se dikush nis nga numri i presidentit Meta, mesazhe fyese ndaj qyetarëve.
Blushi sqaroi se Presidenti distancohej nga këto mesazhe, duke u kërkuar ndjesë për shqetësimin e krijuar të gjithë atyre që kishin marrë një sms të tillë, duke drejtuar gishtin për këtë paudhësi nga Partia Socialiste e duke kërkuar hetim ndërkombëtar, për këtë akt që, sipas tij, mund të cënojë edhe sigurinë kombëtare.
Në emër të Presidentit, u shpreh zëdhënësi Blushi, dënojmë me forcë konsumimin e veprës penale të keqpërdorimit të mesazheve telefonike gjoja në emër të kryetarit të shtetit, nga disa persona të identifikuar që, sipas të dhënave të siguruara, kanë dërguar këto ditë mesazhe fyese dhe kërcënuese në adresë të disa qytetarëve.
Këto akte të dëshpëruara kanë për autor të gjithë ata të cilët i blenë dhe i vodhën mandatet më 25 prill, dhe tani nuk po i gëzojnë dot. Për këtë skandal kriminal dhe të dënueshëm ligjërisht, të keqpërdorimit të numrit personal të telefonit të presidentit të republikës Ilir Meta, do kërkohet një hetim i menjëheshëm edhe ndërkombëtar, pasi, nëse institucionet tona do të ishin funksionale, askush nuk do guxonte të bënte akte të tilla të çmenduara dhe të dënueshshme, që mund të vënë në rrezik serioz edhe sigurinë kombëtare të Republikës së Sshqipërisë, anëtare e Natos.
Edhe një herë ndjesë të gjithë qytatarëve të Shqipërisë që kanë marrë mesazhe të tilla, që kanë vetëm një përgjegjës, organizatën e rilindjes. Është pikërisht kjo organizatë që në mënyrë mafioze dhe të paligjshme, rrëmbeu të dhënat personale të gjithë qytetarëve të republikës, vetëm për qëllime survejimi politik, elektoral dhe shantazhimi. Kur guxojnë të bëjnë një krim të tillë, duke guxuar të fabrikojnë numrin zyrtar të telefonit personal të presidentit të republikës, imagjinoni ç’mund të bëjnë këta banditë me qytetarët e thjeshtë të republikës, tha Blushi.
