Në daljen e tij të radhës kreu i KQZ-së Celibashi ka bërë me dije problematikat që kanë shoqëruar deri më tani procesin e numërimit të votave, problematika që jo rrallëherë kanë ardhur edhe prej qendrimeve të subjekteve përkatëse apo ndërhyrjeve të kandidatëve të partive politike.
Për fat të keq vazhdojmë të kemi probleme në sjelljen e anëtarëve të KZAZ-së dhe të numërimit në lidhje me administrimin e këtij procesi, tha ai. Jemi realisht të ndërgjegjshëm që puna është e vështirë dhe nën tension, por kemi të dhëna që jo pak herë, në raste problematike, pengimi procesit vjen si pasojë e qëndrimeve subjektive apo ndërhyrjeve politike të kandidatëve të partive politike. Vlen të thuhet që KQZ ka reaguar dhe pas ndërhyrjes së saj situata ka ndryshuar, të paktën aty ku ka pasur raportime, të cilat kanë qenë një një numër jo i vogël KZAZ-sh
Celibashi deklaroi edhe se KQZ-ja ishte dakord me qendrimin e mbajtur prej misionit ndërkombëtar të vëzhgimit OSBE-ODHIR, dhe se shumë prej vlerësimeve të tyre KQZ-ja i gjenterealiste.
Kemi pasur disa raportime nga disa kandidatë, e së fundmi edhe nga kadidati i pavarur Bojken Abazi, vazhdoi Celibashi, në lidhje me disa parregullsi, të paktën sipas tyre, të vrejtura në disa qendra numërimi të Tiranë, të lidhura me mënyrën si është bërë vlerësimi për fletët e votimit të këtij kandidati. Po e ndjekim si situatë, tha ai, duke sqaruar se nuk ka kuti të pavlefshme, por kuti të parregullta dhe fletë të pavlefshme.
Sa u takonte zëvendësimit të komisionerëve të lodhur, Celibashi u shpreh se kjo nuk është ende kompetencë e KQZ-së, por e KZAZ-ve, përsa janë ende brenda afatit kohor, orës 10 të mbrëmjes. Aty ku niveli është 30 % procesi ka ecur ngadalë, tha ai, përfshi edhe Tiranën, dhe nuk është se kanë pasur probleme të grupeve të numërimit. Kanë bërë 1 ore 2 ose 3 orë pushim gjatë kohës së drekës, sepse është normale, se një pjesë e anëtarëve të KZAZ kanë që të shtunën në detyrë, të dielën dhe sot, dhe lodhja ka bërë të vetën, por edhe në ato raste kur prania ka qenë, ka pasur ngadalësi, po se nga jashtë, se nga lodhja fizike e mendore e tyre, këtë di ta them, përfundoi ai.
