Kreu i Shtetit Ilir Meta ka akuzuar në mënyrë indirekte si përgjegjës për ngjarjen e Elbasanit, Edi Ramën dhe Taulant Ballën. Në këndvështrimin e tij për ngjarjen thwnw nw SyriTv, Meta këmbëngul se nëse ndodhia nuk zbardhet sa më parë, atëherë në të janë të implikuar direkte Rama dhe Balla.
Është një krim i rëndë, tha Meta. I ndodhur në mes të Elbasanit, i ndodhur në prezencë të policisë, dhe menjëherë duhej të ishte zbardhur çdo gjë. Nëse nuk zbardhet, kjo do të thotë që pengohet nga zoti Rama, sepse ai është përgjegjës, bashkë me zotin Balla dhe kjo do të shpallet menjëherë pas zgjedhjeve. Deklarata ime, vazhdoi Meta, vjen pas një bisede telefonike me zotin Bardhi dhe të dhënave të tjera, ku rezulton që PD-ja ka bërë denoncime për rreth 40 persona prej kohësh në SPAK, dhe si përgjigje ka qenë që këta do intervistoheshin në datën 30 prill, pra kur mbaronin zgjedhjet, të vidheshin votat e ku di unë. Po flas për të gjitha rastet, të blerjes së votave, intimidimit. Janë 43 emra që janë denoncuar. Unë s’mund të pres 30 prillin, si Presidenti i vendit.
Është Rama shkaktari i ngjarjes në Elbasan, që po përpiqet të fshehë provat. Ka përgjegjësi të madhe SPAKU, Policia e Shtetit dhe organet ligjzbatuese, që duhet t’u përgjigjen pyetjeve që u kam bërë unë, tha Meta, duke iu referuar listës së pyetjeve drejtuar organeve ligjzbatuese për çështjen e Elbasanit publikuar në fejbukun e tij, përmes së cilave kërkonte zbardhjen e menjëherëshme të tyre.
