Gjatë intervistës në emisionin Përballë, të gazetarit Lufti Dervishi, Rama tha se programi elektoral i Bashës është si ai i Rrapush Xhaferrit, më jepni 1 t’ju jap 2, e po ashtu se refuzonte të dilte në debat me të, për shkak se se përballë do të duhej të kishte një njeri përgjegjës për ato që thotë dhe bën, cilësi që, sipas Ramës, Basha nuk e ka.
Çdokush që di të lexojë, çdokush që di të përkthejë dhe çdokush që di të dëgjojë tri ekspertë, mund të bëjë një program elektoral, tha Rama. Çështja nuk është programi. Çështja është karakteri. Programi është karakteri i lidershipit dhe karakteri i skuadrës, programi është prova që ti jep se je në gjendje që fjalët t’i kthesh në vepra. Nëse të gjitha ato lekët virtuale që Basha shpërndan cdo ditë, lekë kësaj kadegorie, lekë asaj kadegorie, lekë asaj kadegorie, lekë asaj kadegorie, nëse ato do merreshin nga buxhedi i shtetit do të duheshin 3.4 miliardë lekë, duhen dmth që pensionet të fshihen. 3.4 miliardë është një program absurd, dhe është njësoj si programi, dhe e them shume seriozisht, si programi i Rrapush Xhaferrit, më jepni 1 t’ju jap 2, me buri, me makina. Rrapushin e prisnin edhe me këngë e valle, kurse këtë e presin me flamuj e dy gishta. Po Rrapushi të paktën nuk krijonte vatra infektimi kovidi, kurse këtu krijohen vatra infektimi nga covidi, dhe ju thoshte me jepni 1 t’ju jap 2. Dhe për shkak të lidershipit të atyre që vazhdojnë të jenë Partia Demokratike e Shqipërisë, që nga Saliu e të tjerë, se Lulezim Basha është një kukull, nuk është lider, shqiptarët dhanë 1 dhe morën 2 gishtat në sy, dhe u qërruan fare e humbën përfundimisht, në një tym e flakë, të një lufte të brendshme që shkaktoi mijëra të vdekur.
Dhe të mos harrojmë që bartësi i programit kur kandidoi për kryetar Bashkie, ka arritur deri në pikën, me atë aftësinë e një artisti të vërtetë që e ka, nuk ke ç’i thua, që të shef në sy e të thotë, kjo është buka, unë do ul çmimin e bukës, që brodhi nëpër dyqanet e bukës, se do ulte çmimin e bukës, do ndërtonte tramvajin e Tiranës, do hiqte të gjtiha taksat, dhe në fund fare e dinë të gjithë që s’bëri asnjë nga këto.
Nuk dal në debat, tha Rama, se përballë do të duhej të ishte një njeri përgjegjës për ato që thotë e për ato që bën, i cili, faktikisht falë konsulentëve, i ka fshehur nga ekranet ata që e kontrollojnë, ata që i imponohen dhe ata që mund ta fshijnë për 30 sekonda nga ai pozicion.
